Talk:聶伯城

聶伯城唔見得唔慣用

響Google一搵「聶伯城」，幾個.hk尾嘅旅遊網站都用「聶伯城」，隨便幾個例：1、2、3。--Kowlooner (傾偈) 2016年2月14號 (日) 13:19 (UTC)

我亦唔支持改名，查咗下，聶伯城係臺灣譯名，反而「第聶伯城」有原創性，真係加多個第字嘅係「第聶伯羅彼得羅夫斯克」。既然有現成嘅中文名，噉唔應該用有原創成份嘅名。兼且就觀感嚟講，呢個短名好過長名。--S7w4j9 (傾偈) 2016年2月14號 (日) 16:54 (UTC)

恕難苟同。「第聶伯」根本唔係原創，而係大陸好多地理書（例如《各國概況》）由上個世紀60年代一路用到而家嘅譯名，而且比香港譯名「聶伯」更加接近原文——英文無「дн」而個複輔音唔代表烏克蘭文、俄文同白俄文都無，更唔代表粵語就應該忽略個「д」。兼且「第聶伯羅彼得羅夫斯克」、「第聶伯城」、「第聶伯運載火箭」之類嘅名都係衍生自同一條河——第聶伯河，體現返而種上傳下承嘅關係好有必要。【粵語文學大使殘陽孤侠】支持全面中止IP用戶編輯權 2016年2月14號 (日) 17:43 (UTC)

譯名無話一定要全部音譯晒，最明顯例子就係三藩市。同埋你啱啱開嗰篇第聶伯河，早喺2009年已經有人開咗講緊同一條河嘅聶伯河。--Espotono (傾偈) 2016年2月15號 (一) 04:47 (UTC)

請唔好將漢化譯名同純音譯名相提並論。另外，三藩市的確係有一個英文簡稱「San Fran」，但係第聶伯河係無人簡稱「нiб」嘅。再另外，如果有啲譯名要全部音譯澌，有啲又話唔一定要，恁雙重標準法，咪盞為各種殘缺不全嘅原創譯名大開方便之門？【粵語文學大使殘陽孤侠】支持全面中止IP用戶編輯權 2016年2月15號 (一) 05:25 (UTC)

你可以話譯得唔好，但「聶伯城」香港同台灣都有用，唔應該同原創譯名相提並論。--Espotono (傾偈) 2016年2月17號 (三) 05:20 (UTC)

恁我修正下我嘅論點：「聶伯城」雖然唔係原創譯名，但係點都無「第聶伯城」譯得咁好。「第聶伯城」出自「第聶伯河」，爾條河喺三種語言裏面嘅名都係「дн」（/dn/）開頭嘅，喺恁嘅情況之下都重要用無齒齦爆破音開頭嘅「聶伯」做大婆，真係講唔過去。既然兩個都唔係原創，恁喺兩個非原創譯名當中揀最貼近原文嗰個做大婆，有何不可先？【粵語文學大使殘陽孤侠】支持全面中止IP用戶編輯權 2016年2月17號 (三) 17:49 (UTC)

當初建議搬文原因係『「聶伯城」唔係慣用譯名』，但「聶伯城」事實上確係臺灣同香港常用嘅譯名，所以原因明顯唔成立。至於而家改用譯得好唔好做理由，我覺得可以再討論。不過我立場係如果有現成譯名而個譯名同粵音差唔遠，我會傾向用現成譯名。--Kowlooner (傾偈) 2016年2月21號 (日) 12:15 (UTC)

恁如果新嘅非原創譯名比現成爾個譯名更接近原文呢？加上常用未必就一定可靠，如果唔係嘅話我都唔會輕易就提改名。香港同臺灣嘅譯名十個有九個係夾硬將英文發音規則套落其他語言道譯出來嘅，「聶伯」就係其中一個，就事論事來講，係爾一點上就同直接由原文譯過來嘅大陸譯名「第聶伯」無得fight。【粵語文學大使殘陽孤侠】支持全面中止IP用戶編輯權 2016年2月24號 (三) 19:09 (UTC)