Talk:𡃴

我有個問題：𡃴呢個字好似太偏門，啲人第一眼見到唔識係乜，而且可能會顯示唔到。我個人建議用返氣味比較大路。唔建議太過夾硬要「粵語化」。 Dr. Greywolf (傾偈) 2024年9月9號 (一) 06:29 (UTC)

通常啲人係寫「除」，甚至更加多人唔識寫呢隻字𠻹，但係噉唔代表我哋就唔可以用呢隻字，話嗮識講粵語嘅人有幾可會學粵語字？依家廣州啲人大把粵語字都唔識，瀡滑梯唔識個瀡字，打甂爐唔識個甂字，甚至大路係改口跟普通話叫「滑梯」同埋「火鍋」，佢哋都可能覺得呢啲字好「偏門」，唔通粵維就唔可以用瀡滑梯同打甂爐嚟做篇文個名咩，況且呢個「𡃴」亦並唔係「夾硬粵語化」㗎，而係有廣州話字典背書，裏面甚至寫到明𡃴嘅釋義就係氣味，呢本字典仲要係粵語算得上數一數二權威嘅字典嚟。 粵語傳承靠港澳 (傾偈) 2024年9月9號 (一) 07:26 (UTC)