User:胡葡萄/地盤/wickedoctor

約瑟夫·門格勒（Josef Mengele，1911年3月16號－1979年2月7號），係納粹德國黨衞隊同奧斯威辛集中營嘅一名軍醫。門格列係負責篩選當時被運抵集中營嘅囚犯嘅醫生之一，負責裁決將囚犯送去毒氣室殺死定係強制佢地從事勞動，並且對集中營嘅人做殘忍、科學價值不明嘅人體實驗；打完仗之後，佢先係用假名匿喺德國，然之後逃去南美洲，直至佢喺巴西意外浸死，對佢嘅遺體做DNA測試先確認佢嘅身份。

生平

早期經歷

1911年3月，約瑟夫·門格勒喺德國岡茲堡出世，老竇老母分別係卡爾同渥柏嘉·門格勒。門格勒響慕尼黑大學學哲學同人類學嗰時話法西斯主義係佢生活中嘅決定性因素，佢敬仰呢個政治概念，令佢將醫學知職同政治取態融合，作為佢嘅研究同職業選擇。

門格勒喺佢嘅題為「四個種族嘅下顎種族形態學研究」（德文：Rassenmorphologische Untersuchungen des vorderen Unterkieferabschnittes bei vier rassischen Gruppen）嘅博士論文之中提出，一個人的種族可以由下巴嘅形狀識認；納粹組織見到門格勒嘅研究之後，響1943年5月調派佢去奧斯威辛集中營。

奧斯威辛集中營

門格勒喺波蘭嘅奧斯維辛集中營擔任軍醫，佢執掌生殺大權，可以決定送去營區嘅猶太人係要送去毒氣室殺死定係強制佢地從事勞動，因此人稱「死亡天使」。門格勒盡可能消滅唔能夠勞動嘅人，又用活人進行「改良人種」嘅試驗，有大約四十萬人死喺佢手下。佢曾經迫受害者接受藥物注射，試圖改變佢地對眼嘅顏色或者令佢地絕育；佢重喺活人身上接種病毒同細菌，並喺無麻醉嘅情況之下同佢地截肢同移除器官。

紀念

2005年3月，一座為紀念納粹受害者而設立嘅雕塑響約瑟夫·門格勒嘅家鄉落成，呢座雕塑上面嘅銘文寫住：「無人可以將佢自己與同民族嘅歷史切割。一個人唔應該亦都唔可以俾歷史沉睡，否則歷史會重演，並且成為現實嘅一部分。」；銘文四周圍有好多對喊緊同嚇親嘅眼睛，提醒人們唔好忘記二戰期間納粹嘅種種暴行。