User:Hermes Trimegistos/理想印刷

理想印刷機嘅截面圖：一張紙（紅色）從左邊落到托盤，右邊跟住過來嘅另一張紙黐到印筒上高

理想印刷（Risograph，簡稱Riso）係一種孔版印刷工藝。呢個技術係由日本公司Riso開發嘅，日文係「理想」嘅意思，理想印刷個名即由此而來。 1986年，日本理想科學工業株式會社（RISO Kagaku Corporation）將第一台理想印刷機推向市場。當時，理想印刷主要用於學校同政府部門，滿足到佢哋廉價快速複制嘅需求。慢慢哋，喺專營出版商、設計師、藝術家同埋插畫家中間，佢越來越發展成為最受歡迎嘅印刷工藝。理想印刷嘅特點係唔使用化工製品同加熱就可以將色料帶到紙面上。除開環保，平價嘅耗材成本亦係佢嘅優勢。

Riso RZ 970 型號

可以用電腦發送分色處理後嘅灰度PDF文件畀理想印刷機，或者通過機器內置嘅掃描元件讀取圖文。印刷機會用激光爲每一種顏色分別打出一張版膜，張版膜會着繃實到印筒表面，而印筒表面有非常精細嘅鋼絲網。印筒旋轉，擠壓色料，色料漏過絲網同版膜、印到放置喺印筒下方嘅紙上面。呢個過程類似絲網印刷。 理想印刷嘅色版有大概20種標準顏色。有傳統色，例如黑色同紅色，亦有熒光粉同熒光橙。除此之外，仲有白色、啞金色等等其他多種顏色可揀。

與柯式印刷或者絲網印刷唔同，十張起印嘅小印量若使用理想印刷亦好經濟。創建版膜同設置打印機嘅過程都好直觀。理想印刷機每分鐘可以印大概150張紙，所以如果要大量印刷亦都合適。

由於色料乾燥得慢，唯獨唔可以用銅版紙來印。

參考

[[Category:印刷]]