Wikipedia:係英文維基講嘅！
|
呢版係篇論文；唔同政策同指引，佢只反映一啲編者嘅意見。若有需要，請更新佢，又或者響討論版度傾。 |
 | 一句講嗮：「某某外文維基百科有咁樣嘅方針指引」並唔係可以喺討論入面用嘅直接理由。 |
喺討論文章同維基政策時，成日會有維基人援引其他維基項目（如英文維基百科、維基新聞等），做某項提案係咪通過嘅直接理據。但係，各語言維基百科、各維基姊妹項目有佢哋嘅受眾，佢哋嘅政策都係針對各自受眾而定，所以唔一定適用喺粵文維基百科嘅慣例，即「粵文維基百科唔係×文維基百科嘅粵文版」。
唔係都係維基咩？ 編輯
每個維基計劃都係一個獨立管理嘅社群，喺執行嘅方針指引、管理組織、受眾都有各自差異，冇辦法照搬一概而論。
例如英文維基百科嘅讀者縱然分布好廣，但仍集中喺美國、英國、澳洲、加拿大等英語國家。所以，英文維基會針對用英文讀者嘅習慣，對美式英語、英式英語、日期格式等作出各自唔同嘅要求，而粵文維基百科就冇呢啲問題。
錯誤示範 編輯
喺每篇文章入面，有任何爭議嗰陣，直接引用某某維基百科都係咁寫，並唔係一個直接理由，如果冇任何查證到嘅資料，而直接照搬其他維基嘅內容，都會被取消。