Wikipedia:貢獻畀維基百科
| 概述 | 點編輯 | 搵維基 | 點用維基 |
 |
維基嘅目的係將整體人類知識匯編成網上內容自由嘅百科全書。為咗呢嗰目的，你可以用以下方式貢獻畀維基百科。如果你想以參與一般維護文章嘅方式畀貢獻，請睇埋Wikipedia:維基維修。大部分需要關心嘅文章都放咗喺Wikipedia:維基維修積壓場。
開戶口
你唔使登入維基去睇維基百科全書，你亦唔使登入維基去修改維基百科全書。基本上所有人都可以係任何時間修改幾乎所有嘅文章，包括未登入嘅人。但係登記戶口係好容易嘅事，而且重有着數。
你可以做乜
文章
維基百科主要由文章組成，而每篇文章嘅文都係要成為正文。維基最重要嘅文章都放喺基礎文章，嗰度有唔同類型嘅文章等你去加，請你揀啲你熟識，又或者你有興趣嘅文章去加。唔好只係整空心文章，要幫文章達到正文嘅標準，因此令佢成為正文候選。另外你亦可以要求未編寫嘅文章，咁樣可以幫我哋了解維基百科重差啲乜野。
重有，寫好文章麻煩畀個類別，可用類別請睇Category:類。
一覽表
一覽表用嚟介紹一列有關文章，形式同文章一樣，但係內容唔係介紹一樣嘢，而係介紹好幾樣相關嘅嘢，例如諾貝爾經濟學獎得主一覽。暫時粵語維基並未引入正表，但如果你寫好咗一組文章介紹同一類嘢，不妨寫埋一覽表一口氣介紹佢哋。另外，有啲嘢唔適合獨立成為一個百科全書文章，好似卡通片人物，但係卡通片人物一覽就好有意義，咁樣編寫一覽表就最好不過。
順帶一提，寫好一個表請喺下面加上「[[Category:一覽]]」，咁人哋識去搵。
圖畫、相
正圖同正相可以令文章更生動，而且一睇就明。如果有正圖正相，不妨加入正圖候選畀大家知。已經編收嘅正圖正相放咗喺Wikipedia:正圖。撳呢度睇乜嘢係正圖。
聲
有啲情況係文字同圖畫所表達唔到，例如粵音點讀，就要用聲去表達。暫時，你可以將聲音上載到 Wikimedia Commons，再用 {{audio|聲}} 語法加入文章內，例如可以參考文章「孲𤘅子」。你要確定把聲可以開放自由版權，侵權嘅聲隨時都會被刪。你亦應該用自由格式（ogg 或 midi）嘅聲，同埋要令把聲清楚，清除雜音。
指南
維基用戶可以利用各個唔同指南搵到一啲話題嘅落腳點，令用戶更容易搵到資訊。要改善維基嘅指南，就要去指南Portal:指南總覽揀一個啱自己嘅去改好佢，令佢符合正題標準。