開主選單

Windows XP

微軟公司嘅操作系統
撈稿

Windows XP微軟公司嘅一款視窗作業系統。Windows XP喺2001年8月24號正式發佈(RTM,Release to Manufacturing)。佢嘅零售版喺2001年10月25號上市。Windows XP原本嘅代號係Whistler。字母XP表示英文單詞嘅「體驗」(experience)。Windows XP嘅外部版本係2002,內部版本係5.1(即Windows NT 5.1),正式版嘅Build係5.1.2600。

微軟最初出咗兩個版本:專業版(Windows XP Professional)同家庭版(Windows XP Home Edition),後來出埋媒體中心版(Windows XP Media Center Edition)、平板電腦版(Windows XP Tablet PC Edition)、嵌入版(Windows XP Embedded)同埋瘦客戶端版(Windows Fundamentals for Legacy PCs)等。

更新套裝

服務包版本 發布日期
SP1 2002年9月9號
SP1a 2003年2月3號
SP2 2004年8月25號
SP2c 2007年8月10號
SP3 2008年4月21號

服務包 1

微軟喺2002年9月9號發布咗Windows XP嘅Service Pack 1(SP1),包含超過300個bug修復,同埋Windows XP原始版本嘅安全bug修正。SP1重增加咗USB 2.0嘅支援,微軟Java虛擬機器.NET框架嘅支緩,並且由當時即將到來嘅使用技術嘅支持媒體中心同埋平板電腦嘅XP版本。喺SP1最顯著嘅變化係增加咗設定程序默認值,一個允許程序對某啲類型嘅活動(例如媒體播放器或Web瀏覽器)嘅設置頁,禁用微軟嘅系統設置(例如Internet Explorer或Windows Media Player [媒體播放器])。

服務包 1a

2003年2月3號,微軟釋出Service Pack 1a。因為之前同太陽電腦嘅訴訟,呢個更新包移除Microsoft Java虛擬機器。[1]

服務包 2

服務包2(Service Pack 2)(簡稱SP2,代號「Springboard」)經過幾日耽擱之後,喺2004年8月25號推出。[2]同之前嘅更新包唔同,SP2特別強調改善安全問題,亦都為Windows XP中加入新嘅功能,包括一個加強咗嘅防火牆、改良對Wi-Fi嘅支援(例如WPA加密相容性,同一個精靈設定工具)、喺Internet Explorer 6中加入一個彈出式廣告攔截功能、以及對藍牙嘅支援。更新包2亦引進咗一個值得注目嘅核心啟動,可以更快載入作業系統。喺核心啟動嘅時候,新歡迎畫面移除咗「Professional」及「Home Edition」字樣,因為微軟喺SP2發佈前,引進新嘅Windows XP版本。喺家用版入面,綠色嘅載入條俾喺專業版同其他版本中可見嘅標準藍色取代,令作業系統嘅類別彼此相似。

Service Pack 2增加咗一啲安全功能,包括一個防火牆,喺Windows下個名叫做Windows 防火牆,喺預設嘅情況下佢係啟動狀態。另外,利用新型號處理器嘅NX bit功能,新增一個系統記憶體保護功能(資料執行防止,DEP),佢可以防止一啲快取溢位攻擊。[3]此外,有關嘅防護改良重包括電子郵件同埋瀏覽器。Windows XP Service Pack 2內建咗一個Windows資訊安全中心,為使用者提供一個關於系統安全防護嘅概觀,例如防毒軟件嘅狀態,Windows Update同新嘅Windows防火牆。第三方嘅防毒軟件同防火牆亦都可以配合安全中心,使用者更容易了解電腦嘅安全狀況,並提供改善建議。[4]

服務包 2c

2007年8月10號,微軟為咗解決「密鑰荒」而發布一個SP2次要嘅升級,叫做Service Pack 2c(SP2c)[5]。呢個更新喺增加新密鑰嘅同時,亦降低部分可用密鑰嘅數量。呢個更新只係針對Windows XP Professional(唔包含簡體中文、俄文同韓文版)同埋Windows XP Professional N作業系統。SP2c已經喺2007年9月推出[5]。呢個更新包並冇包含任何重大更新或者係系統修補程式[5]

由於SP2整合好多新功能同重大嘅更新,媒體有時將Windows XP SP2當做一個唔同於Windows XP嘅新作業系統[6]

服務包 3

Windows XP服務包3(SP3)喺2008年4月21日被釋放,並喺2008年5月6日通過微軟嘅Windows更新發佈。包含1174個修正。

佢喺2008年7月10日開始被自動推送到自動更新嘅用戶。Service Pack 3可以安裝喺Internet Explorer版本 6、7或8嘅系統上。SP3唔包括Internet Explorer 7或8。Service Pack 3並唔適用於Windows XP 64位版本。

SP3嘅新嘢包括支援X.509證書SHA-2簽名同埋客戶端網絡保護。安裝零售同OEM版本時唔使入產品密鑰。

停止支援

微軟官方喺2007年底宣佈,2014年4月8號之後唔會再更新Windows XP。雖然係噉,微軟喺嗰日之後出過兩次緊急安全更新,一次係2014年5月修補Internet Explorer嘅漏洞,另一次係2017年5月因應WannaCry勒索軟件攻擊而作嘅系統漏洞修補。

影響

使用方面

微軟喺2014年4月8號之後停止支援Windows XP,除咗技術支援(包括保護電腦系統自動更新)之外,微軟亦同時停止對Windows XP提供 Microsoft Security Essentials嘅下載服務[7]

雖然嗰日之後Windows XP重用得,但係喺接收完2014年4月份嘅安全更新之後就冇得再裝微軟官方嘅安全更新入去,所以漏洞隨時會越嚟越多[7]

其實有好多用戶都唔知Windows Update係搞邊科嘅(更加唔使問阿貴係點用啦),重有好多嘅翻版帶都事先將Windows Update嘅自動更新都閂埋(更加唔使問阿夢係點樣整更新上去啦)。好彩係中國大陸入面嘅幾大安全軟體都有系統更新嘅功能,安裝咗之後就可以話畀使用者喺系統入面點用,如估唔係嘅話,使用者嘅Windows XP系統已經爛到冇得用喇。

重有啲黑客可以好輕鬆咁發現咗嘅漏洞,用嚟攻擊安裝咗Windows XP嘅電腦導致Windows XP面臨感染電腦病毒同埋木馬、重有洩漏個人信息等等[7]

升級方面

既然Windows XP停止咗支援之後有咁麻煩,如估條件係允許嘅話,電腦肯定係要升級㗎喇。而新系統將會帶嚟嘅係更加人性化嘅操作體驗,重有唔錯嘅穩定性同埋軟體嘅兼容性,重有提升軟硬體嘅性能[7]

第1種情況:冇接入網絡嘅Windows XP電腦

依家好少嘅電腦係冇接入網絡嘅,如估喺電腦冇接入網路嘅話,黑客係幾乎冇可能通過系統漏洞嚟入侵使用者嘅電腦,不過佢哋可以通過USB記憶體CDDVD等呢啲移動設備嚟整木馬,通過呢種方法嚟洩漏個人信息[7]

第2種情況:用嚟聽歌同埋睇片嘅電腦

依家有好多嘅電腦凈係用嚟聽歌同埋睇片、整下簡單嘅OFFICE操作,咁喺呢類嘅電腦入面,基本上肯定冇咩私隱噉滯,如估安裝咗一種比較犀利嘅殺毒軟體就可以咩都冇事喇,更加唔使講咩升唔升級。不過之後,如估瀏覽器發展到行嗮周街都係嘅話(尤其係HTML5),咁XP就可以講拜拜喇[7]

第3種情況:用網銀

依家都好㷫網上購物喇,成日去到邊度都可以聽到「阿里巴巴」、「淘寶」、「Amazon」等等其它網上商店呢啲嘢。而網購嘅流行重出咗網上畀錢嘅風險,不少因為系統安全嘅問題,搞到有人話:「點解我嘅網銀冇咗啊?」,「點解我嘅網上畀錢會變咗嘅?」呢啲咁嘅嘢都出現過。因為有好多嘅用戶電腦入面,都有好多自己個人私隱嘅嘢喺度,如估呢啲嘢喺電腦上咗網之後,就肯定有好大嘅機率會被黑客用咗系統嘅漏洞嚟攞咗你都唔知[7]

第4種情況:鍾意成日玩遊戲嘅人

依家有好多嘅電腦遊戲都係針對Windows 7或者係8嚟整咗特別嘅優化,甚至有啲遊戲喺Windows 7或者係Windows 8先至可以玩得,咁鍾意成日玩遊戲嘅人可以將系統升級到Windows 7都得,而Windows 8入面就有專門嘅遊戲嚟等住佢哋。從第一款唔支援XP系統嘅遊戲到依家嘅大作都唔同XP玩嘢喇,咁遊戲玩家可唔可以與時俱進[7]?重有家陣越嚟越多新版嘅軟體都唔支援XP系統(例如PHOTOSHOP【從CC版開始就唔支援XP喇】、微軟嘅OFFICE等等),如估想用佢嘅話,最後換個新嘅操作系統喇[7]

安全廠商方面

既然微軟唔再支援,安全廠商就開始搞。喺中國大陸入面,有成億部電腦裝咗Windows XP,咁佢就肯定係一個大嘅市場喇,咁有好多安全嘅廠商就借住呢筍嘢嚟推動自己嘅產品嚟提高市場嘅佔有率,想嚟頂住微軟嚟撐起Windows XP後續嘅安全支援[7]

雖然話呢啲安全廠商唔係微軟嘅屬下公司,加上所掌握嘅系統核心技術都係有限嘅,而負責幫手嘅廠商整出嚟嘅更新方面,凈係攞熱更新嘅形式嚟搞,唔知效果係點。不過如估繼續用Windows XP嘅話,必須要有比較犀利嘅殺毒軟體[7]

唔願升級嘅

既然Windows XP已經停止支援,重有新嘅操作系統都有優秀嘅表現,咁點解噉多嘅Windows XP用戶唔揀升級呢?可能係以下呢幾個原因:

習慣性

Windows XP係好多用戶啱啱開始接觸電腦嗰陣用嘅操作系統,喺開始慢慢咁識咗點用之後就嚟咗新嘅操作系統,搞到好多用戶都話唔慣。既然舊版都好地地嘅,加上我又唔識用或者係唔習慣用新嘅操作系統,如估換咗新嘅操作系統都要重新學過[7]

兼容性

重有啲辦公系統同埋專用軟體都係針對Windows XP嚟開發嘅,如估喺新嘅系統同埋新嘅IE瀏覽器入面,都會出現唔兼容嘅現象,搞到辦公人員如估筆記簿電腦入面裝嘅係Windows 7或者係Windows 8,就唔可以用企業辦公系統喇,搞到噉先至換返Windows XP[7]。重有家陣用得好㷫嘅應用軟體同埋遊戲,大多數都已經支援Windows 7或者係Windows 8,甚至喺Windows 7或Windows 8入面先至可以充分發揮軟體同埋硬體嘅性能,而有啲就凈係可以喺新系統入面用嘅。而家有尐軟體同埋遊戲都唔同Windows XP玩兼容性喇[7]

電腦鋪

依家街邊有好多電腦鋪頭嘅技術人員為咗方便同埋慳時間,一般都係幫人直接GHOST返去Windows XP就搞掂[7]

正版

如果係升到正版Windows 7或8.1嘅話,可能要使好多錢,而習慣咗對電腦凈係使硬體嘅錢,又唔願意搞軟體嘅錢啲人嚟講係話唔好使嘅[7]

配置

重有唔排除用緊Windows XP嘅電腦,由於配置太低搞到冇辦法安裝Windows 7或者係8.1。如果想換系統嘅話,凈係得一個辦法——換電腦主機,再加上新系統嘅費用係要使好多錢嘅。不過有唔少嘅舊電腦都係可以用Windows 8嘅[7]

  1. (語體中文)"Windows XP SP1與Windows XP SP1a之間的差異". 2003-02-03. 原先內容歸檔睇2017-03-19. 喺2017-03-19搵到. 
  2. (語體中文)"如何取得最新版Windows XP Service Pack". 2007-03-26. 原先內容歸檔睇2010-04-27. 喺2010-04-04搵到. 
  3. "如何設定Windows XP SP2的記憶體保護". Microsoft. 原先內容歸檔睇2010-08-24. 喺2010-09-03搵到. 
  4. (英文)"Windows XP Service Pack 2 information". Microsoft. 2004-08-04. (原先內容喺2007-10-16歸檔). 
  5. 5.0 5.1 5.2 "存档副本". (原先內容喺2016-04-21歸檔). 喺2018-09-17搵到.  未知參數|archiv-url= ignored (建議用|archive-url=) (詳情); 未知參數|offline= ignored (建議用|dead-url=) (詳情); 未知參數|archiv-datum= ignored (建議用|archive-date=) (詳情)
  6. http://windows.chinaitlab.com/set/25652.html.  缺少或空白|title= (詳情)
  7. 7.00 7.01 7.02 7.03 7.04 7.05 7.06 7.07 7.08 7.09 7.10 7.11 7.12 7.13 7.14 7.15 7.16 再见了!那些年陪伴我们的Windows XP DoNews

連出去