Wordfast
Wordfast 係一款翻譯記憶軟件。佢為自由譯者、語言服務供應者同埋跨國公司提供咗翻譯記憶獨立平台嘅解決方案，喺市場上擁有超過2萬個應用客戶。
| 開發者 | Yves Champollion |
|---|---|
| 最新發布 | WFC v.5.61k / WFP v.2.2.4 / WFC 16 九月 2009/ WFP 20 十一月 2009 |
| 作業系統 | Cross-platform, WFC 需要運行 Microsoft Word 97 或更高版本 |
| 軟件類別 | 電腦輔助翻譯 |
| 許可協議 | 商業軟件 |
| 網站 | wordfast.com |
歷史 編輯
1999年，Wordfast係由伊夫·商博良於法國巴黎創立。喺翻譯同當地語系化嘅產業入面，商博良作為自由譯者、項目經理同顧問25年幾，經驗豐富。伊夫·商博良（頁面存檔備份，存於互聯網檔案館）係成功譯解羅塞塔石碑嘅埃及學家讓-弗朗索瓦·商博良嘅旁系子孫。
1999年，伊夫·商博良開發咗最初嘅Wordfast軟件，佢係由一整套巨集命令組成，可以喺微軟Word 97或更高版本中運行。截至2002年底，呢個基於微軟Word嘅工具（現稱Wordfast經典版）係一個免費軟件。通過口口相傳，喺譯者最常使用嘅翻譯記憶軟件中，Wordfast係排第二。
2009年1月，Wordfast發佈咗Wordfast翻譯工作室版（Wordfast Translation Studio），佢包括Wordfast經典版同埋Wordfast專業版。後者係一個獨立、基於Java嘅翻譯記憶工具。
產品 編輯
Wordfast軟件為使用者提供咗Wordfast翻譯工作室版。根據WFTS協定，使用者可以得到以下嘅工具：
Wordfast經典版 編輯
最初基於微軟Word嘅翻譯記憶工具。
Wordfast專業版 編輯
獨立嘅多平台（Windows，蘋果作業系統，Linux）翻譯記憶工具。佢自帶篩檢程式，可以處理多種檔案嘅格式，並提供基本嘅自由譯者所需要嘅批量分析（可分析多達20個檔）。
附加工具 編輯
一套為咗幫助Wordfast經典版譯者執行特定高級功能（如文本提取與對齊）嘅免費工具。
VLTM專案（超大翻譯記憶） 編輯
使用者可以利用公共嘅超大翻譯記憶內容，又可以設立一個私人工作組，同合作譯者共用翻譯記憶。
其他產品包括：
Wordfast專業豪華版 編輯
配合可以揀嘅外掛程式，同Wordfast專業版整合，可以進行無限制批次處理、抽取多個文檔中出現嘅高頻段落同埋自動翻譯記憶管理。
Wordfast伺服器 編輯
安全嘅翻譯記憶伺服器應用程式——無論譯者喺世界邊一個角落，都可即時共用翻譯記憶。
Wordfast網上版（測試版）* 編輯
基於瀏覽器嘅翻譯記憶工具——譯者可將翻譯記憶儲存喺中央伺服器上面，每個使用者可以創立有密碼保護嘅私人區域。咁樣就可以喺任何地點，只要喺打得開瀏覽器嘅地方，就可以打開工作專案，使用Wordfast。
支援嘅原始檔案格式 編輯
Wordfast經典版可以處理以下格式：任何微軟Word可以讀取嘅格式，包括純文字檔，Word文檔（doc）， 微軟Excel（XLS），PowerPoint（PPT），富文本格式（RTF）以及帶標籤嘅RTF同埋HTML。佢唔可以直接支持OpenOffice格式，因為微軟Word嘅當前版本冇針對OpenOffice文檔嘅導入篩檢程式。
Wordfast專業版可以處理Word文檔（doc），微軟Excel（XLS），PowerPoint（PPT），HTML，XML，ASP，JSP，Java同埋InDesign（INX）。
支援嘅翻譯記憶同詞彙表格式 編輯
Wordfast經典版同Wordfast專業版嘅翻譯記憶格式，都係簡單嘅定位字元分隔嘅文字檔，可以喺文字編輯器中打開同埋編輯。Wordfast仲可以導入同匯出TMX檔，同其他主要商業機輔工具進行交流翻譯記憶。
單個翻譯記憶中最多可以儲存1百萬個單位。翻譯記憶同詞彙表嘅語序可以顛倒，咁樣可以隨時切換源語同目標語。
Wordfast可以利用基於伺服器嘅翻譯記憶，同埋從機器翻譯工具（包括谷歌線上翻譯工具）中檢索資料。
Wordfast嘅詞彙表格式係簡單嘅定位字元分隔文字檔。Wordfast專業版仲可以導入TBX檔。
詞彙表嘅最大記錄值係25萬條，但係只有前3.2萬行可以喺搜索過程中顯示。
文檔 編輯
Wordfast經典版嘅用戶完全使用手冊可以喺Wordfast網站上面下載。網站仲提供免費培訓同線上培訓影片。
大家可以喺Wordfast網站上搵到線上說明網頁，同埋影片教學。
如果想購買授權，可享受一年期免費技術支援。一年後，用戶如果想繼續用享受技術服務，要畀半價購買。
出面網頁 編輯
- Wordfast官方網站（寬帶網） （頁面存檔備份，存於互聯網檔案館）
- Wordfast官方網站（低帶寬）
- 伊夫·商博良 （頁面存檔備份，存於互聯網檔案館）