Wow! 訊號

Wow! 訊號（Wow! signal）係俄亥俄州立大學Jerry R. Ehman 博士發現一個喺外太空收返嚟嘅無線電訊號。

Wow! 訊號
由俄亥俄州立大學Jerry R. Ehman 博士發現

俄亥俄州立大學一座叫做The Big Ear（大耳）嘅電波望遠鏡（radio telescope），一直對住個天接收喺宇宙嘅無線電訊號，結果喺1977年8月15號，天文學家Jerry R. Ehman 博士發現收到一個好奇特嘅訊號。呢個訊號維持咗72秒。

睇到呢個訊號嘅天文學家寫咗個 WOW!（簡譯：嘩！）喺張電腦輸出卡度，自次媒體就叫呢個訊號做 Wow! 訊號。呢個訊號俾人用嚟做外太空有智能生物嘅證據，亦間接推動搜尋地外文明計劃。

不過收咗呢次之後，到而家都未有第二次類似嘅訊號。