СВТ-40步槍

СВТ-40步槍（俄文全名：Самозарядная винтовка Токарева, образец 1940 года，意思係「1940年版托卡理夫自動上彈步槍」）係蘇聯喺二戰期間研發嘅一種半自動步槍。

СВТ-40步槍

研發СВТ-40步槍嘅最初目的係取代一戰前俄軍用開嘅莫先－納岡步槍。但係由於СВТ-40係半自動步槍，內部結構複雜過舊式嘅單發步槍，需要更專業嘅維護保養，否則就會時常出故障，因此蘇聯陸軍對СВТ-40嘅評價好麻麻，反而普遍受過更高等教育嘅蘇聯海軍步兵對СВТ-40嘅評價就相當高。另一方面，同蘇聯交戰嘅德國士兵亦都好鍾意用返啲繳獲嘅СВТ-40步槍來對付蘇聯軍隊。後來德國方面重以СВТ-40步槍為藍本，設計徂佢等自己嘅半自動步槍——43式半自動步槍。