㚻片演員

㚻片演員（粵拼：gei1 pin2 jin2 jyun4，英文：Gay porn actor，日文：ゲイ動画男優）係出演啲男性裸體或者男男性交戲嘅演員，一般淨係滿18歲嘅男性先至入得呢一行。

美國嘅㚻片演員

呢啲男演員本身嘅性取向唔一定就係同性戀者，佢哋淨係表演拍攝同性性行為嘅色情錄影掙錢嘅啫。亦有啲演員好快就退出咗㚻片呢個行業，做返普通人嘅職業。

比較有名嘅㚻片演員就叫做㚻片明星，簡稱「㚻星」（英文：Gay porn star），比如日本嘅㚻星有真崎航、美國嘅㚻星有布蘭特·哥列根。

㚻片演員分類

• 專業演員：喺向啲觀眾進行男男同性性行為表演嘅時候，都會完整清晰噉展示嗮自己個樣嘅男性主角演員。通常人工較高。
• 業餘演員：配合專業演員嚟到完成性表演嘅男性配角演員，喺表演過程之中一般會佩戴面部遮掩物（如泳鏡、黑超、面罩等），或者通過影片嘅後期處理製作（通常係打格仔或者一塊細細哋嘅靜態圖片）嚟到遮掩住佢嘅面部或者眼部，以達到保護佢嘅社會身份嘅作用。通常人工較低。
• 射精演員：由於男性生殖系統生理結構同埋機能嘅特殊性，長時間做色情影片拍攝呢一行嘅男性演員，冇辦法次次都符合嗮製片人嘅要求，提供真實嘅射精表演嚟到完成一次完整嘅性表演，喺旺盛嘅市場需求底下，專登用嚟拍攝射精特寫片段表演嘅平價男性演員就開始出現。

㚻片演員一覽

睇埋：Category:㚻片演員

註

「㚻」同「基」兩個字雖然同音，但係意思好唔同。「㚻」字嘅意思係男男性行為[1]；「基」係基佬嘅簡寫。兩個字唔可以撈亂。

睇埋

• 鹹片
• 基佬
• 同性戀
• 鹹片女演員

拎

• 中文維基：GV男優
• 英文維基：Gay pornography
• 日文維基：ゲイビデオ
• 維基詞典：㚻