一德路

一德路（粵拼：jat1 dak1 lou6）係中國廣東省廣州市一條一般嘅馬路，喺越秀區入面，成條馬路係東西走向。西邊從人民南路同埋和平東路嘅交界嗰邊開始，一直向東去到泰康路同埋廣州起義路嘅交界附近嘅海珠廣場嗰頭。

一德路 YIDE LU

一德路嘅路牌

性質： 一般馬路 全長： 1.15公里 行車線： 3車道 西向東嘅單行綫 地區： 廣州市越秀區 起點： 人民南路同埋和平東路嘅交界 終點： 泰康路同埋廣州起義路嘅交界附近嘅海珠廣場 主要建築： 廣州市兒童公園 石室聖心教堂 萬菱廣場

概要

全長大概1150米，闊15—17米，3車道。成條路係單行綫，凈係可以從西邊向東邊行。

史

講下呢條所謂嘅一德路，其實喺佢出世嗰陣行到依家為止，個歷史都唔係好耐啫。其實喺明嘉靖年（1565年）嗰陣，由於廣州要整棟外城嘅關係，所以喺依家嘅一德路嗰尐係新嘅城牆。而喺嗰陣嘅地段入面，有「五仙門」同埋「靖海門」呢兩棟門響度。而喺嗰陣時嘅一德路就被人話咗係「三欄」（啫係話果欄、菜欄同埋魚欄）。至於呢條路嘅名係點嚟？就係路邊有間「一德學社」響度先至改咗噉嘅名。喺1920年，廣州市政府通知話要拆城牆嚟整條馬路，結果就開咗條一德路同埋靖海路，就響新開嘅嗰條路兩邊起咗啲騎樓商鋪喺附近。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 人民南路、和平東路
• 仁濟路
• 天成路
• 海珠南路
• 靖海路
• 解放南路
• 海珠橋、泰康路、廣州起義路

俗語

廣州入面成日有條數字地名順口簧，其中就包括咗呢度（加粗咗嘅字）：

1德路、2沙頭、3元里、4牌樓、5仙觀、6榕路、7株榕、8旗二馬路、9曲巷，10甫路。