一生為奴

《一生為奴》（簡化字：一生为奴）係一齣中華人民共和國電視劇，2006年 3月26號起喺四川電視台峨眉電影頻道首播，一共40集。

齣劇通過恭親王奕訢一生，由道光三十年（1850年）至光緒二十四年（1898年），史詩式噉反映晚清嘅國運、宮廷嘅鬥爭。劇入面嘅奕訢喺位人材，將早期反派肅順捉拿處決之後，同慈禧太后角力。

香港無綫電視買咗齣劇之後，由2007年 4月26號起星期一至星期五夜晚22:35至23:05喺翡翠台播出，點知播出後收視唔理想，於是調咗去逢星期六同埋星期日下晝15:30至16:25播出，每次播兩集，但係收視都唔見起色。6月24號，無綫電視腰斬齣劇，停播前一共35集。

主要演員