三伏天灸係種清朝開始有嘅中醫療法，用「冬病夏治」做原理，響一年最熱嗰三日（「三伏天」），將生薑、白芥子、麝香、細辛等等辛溫嘅中藥敷響特定穴位上，醫治秋冬發作嘅病，好似過敏性鼻炎、咽喉炎、哮喘、咳嗽、慢性支氣管炎。
「三伏天」用農曆計，夏至後第三個庚日係「初伏」，第四個庚日（十日後）係「中伏」，第五個庚日（再十日後）係「末伏」。
