三元福音倍進佈道
三元福音倍進佈道（英文：Evangelism Explosion，簡稱三福）係美國佛羅里達州珊瑚脊長老會嘅甘雅各牧師（Dr. D. James Kennedy）喺1950年代末期創立嘅基督教傳福音方法。香港三福喺1978年開始推動，成為全亞洲首個開展三福事工嘅地區，並且將內容全力華人化，「三福」嘅教材已經翻譯成百幾種語文。
基本方向 編輯
為咗榮耀上帝，裝備教會往普天下去：建立友誼、領人歸主、訓練門徒、健康增長。
「三元」基本元素 編輯
- 建立友誼
- 領人歸主
- 訓練門徒
訓練目的 編輯
- 訓練信徒成為得人漁夫，包括喺教會同在日常生活中傳福音。
- 裝備信徒能夠訓練其他信徒成為得人漁夫。
- 令信徒幫助初信者作主嘅門徒
訓練目標 編輯
- 能夠喺隊長領導下，按照課程材料，喺實習談道中分享福音。
- 完成考試而成績美滿。
- 喺四個月之內完成最少十次實習談道。
- 繼續擴展訓練事工。
訓練方式 編輯
藉住授課、示範、功課、實習嚟達至以上四項目標。
訓練內容 編輯
課程大綱 編輯
- 裝備信徒
- 邀請決志
- 佈道生活
- 栽培初信
- 結交朋友
- 招募擴展
- 分享見證
- 處理反對
- 診斷問題
- 問卷佈道
- 講解福音
福音大綱 編輯
- 第一道橋：引言
- 第二道橋：福音
- 第三道橋：決志
- 第四道橋：即時栽培
倍進訓練 編輯
喺一個堂會中，先由一位教師兼隊長（通常係教牧）用十三個單元嘅材料訓練兩位隊員。除咗喺堂上授課同示範之外，亦教佢哋背誦福音大綱，逐漸增添金句、例子，輔以家課、閱讀等；並且更進行預約家訪同街頭問卷嘅實習佈道。兩位隊員喺至少十三星期內，首先觀察隊長佈道嘅熱誠同技巧；到咗中期，隊員逐漸根據福音大綱參與部分講述內容；到咗後期就全部福音講述都由隊員負責。考試合格嘅隊員會晉升為隊長，分別喺下一期嘅訓練中，喺教師授課之後帶領兩位隊員做佈道實習。換言之，如果一間教會由一位教師訓練兩個人開始，到咗第二期嘅時候，已經有三位隊長合共訓練六位隊員，禱伴人數更增加到十八人，令參與總人數多達廿七人。好似噉一期接一期，就形成一種循環不息嘅倍進佈道、訓練運動。