傳福音係指傳播基督信仰嘅行為,亦稱為傳道傳教宣教佈道新教使用)、福傳天主教使用),字源係嚟自耶穌在世時嘅通用語——通用希臘語嘅「εὐαγγέλιον」,意思係「好消息」,後嚟引申到傳播基督福音

簡介 編輯

傳福音係基督徒嘅重要使命。新約聖經有幾個章節提到基督徒傳福音嘅重要性:「你哋去普天下,傳福音畀萬民聽」(《馬可福音》第16章第15節),「我冇理由為傳福音而誇口,我不過係奉名去傳;若果唔傳福音,我就有禍咯」(《哥林多前書》第9章第16節)。

傳福音嘅內容大體上係以耶穌基督為中心同聖經經文,主要係強調救恩嘅內容,通常亦會涉及關於原罪同大審判等有關基督教神學內容,亦可能會有更貼近聽者生活嘅內容。唔同嘅基督教團體所傳講嘅教義內容並唔係完全相同,有時甚至會有較大嘅差別。

方法 編輯

基督徒傳福音嘅方法有好多種,最常見嘅包括:三福、四律、五色佈道法等。有啲教會亦會印製一啲小冊子,派畀慕道者或者路人。

傳福音嘅方式,隨住時代同社會嘅轉變而有唔同嘅方式,進入工業化時代前,基督徒多數係到處演講、派發單張、創作音樂等方式嚟傳播福音。現代傳福音嘅方式就相當多樣化,除咗傳統方式之外,流行音樂傳媒、營會亦經常俾基督徒運用,貼近普羅大眾嘅生活,令人更容易接解到福音。

睇埋 編輯