呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係2號綫嘅月台。同大多數嘅2號綫車站一樣，冇休息室同廁所響度。
三元里站嘅收費區喺站廳嘅中間偏西嘅位，而東邊係人行通道，四周圍俾車站嘅商舖圍實嗮（冚唪唥都喺免費區入面）。收費區有好多部扶手電梯同樓梯往返月台都得。而專用𨋢喺車站嘅南邊免費區域入面，乘客如估有需要嘅話，可以向車站嘅工作人員查咗車飛之後嚟協助用。
呢個站有個島式月台，喺三元里大道嘅地底。重有呢個站嘅北面有條存車線。之前喺2號線嘅北面總站時（2002年12月28號——2010年9月25號）就係用呢條存車線返轉頭。不過而家喺早高峰短綫嗰陣，就係用嚟負責畀北行嘅短綫車返轉頭。凈低啲時間都係用嚟放備用車喺晚高峰嗰陣，用嚟疏導客流。
而家嘅三元里站入面有好多唔同類嘅鋪頭畀乘客買嘢同埋食嘢，好似有便利檔、麵包檔同洗衫舖、衫褲檔、涼茶舖同書店等。
另外，三元里站入面重有好多自助服務設施畀乘客用，包括咗自動櫃員機、自動販賣機、自動影相機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。
| 三元里站冚唪唥嘅出入口 |
|---|
 A1出入口 | A1出入口 |
 A2出入口 | A2出入口 |
 B出入口 | B出入口 |
 C1出入口 | C1出入口 |
 C2出入口 | C2出入口 |
 D出入口 | D出入口 |
|
呢個站而家有6個出入口，其中D出入口可以直接去到御龍服裝城入邊。
| 行去邊頭 |
頭班車 |
尾班車
|
| 每日
|
| 2號綫
|
| 廣州南站 |
06:10 |
23:30
|
| 嘉禾望崗站 |
06:10 |
00:05
|
注意：
喺晚黑最後一班車開走之前嗰5分鐘之內，
係唔畀入閘坐車（包括埋買車飛）。
|
喺1988年嘅地鐵路網規劃入面，話呢個站喺嗰陣時2號綫嘅中途站。後嚟就話嗰度係舊2號綫一期嘅北邊終點站嚟起。
喺1999年10月10號，2號綫嘅一期工程正式開始逳手。不過到咗2001年8月19號嗰陣，呢個站嘅3號通道施工嗰陣就出咗單大頭佛。而呢個工程就到咗2002年12月29號先至全部起好嗮，重通埋車添。喺嗰陣時，呢個站係2號綫北邊嘅終點站。
呢個站喺2002年12月29號通咗車之後就一直係2號綫嘅終點站。而北邊凈低嘅站點，喺嗰陣時要等到舊嘅白雲機場搬走咗之後，同埋白雲新城起好咗之後先至開始搞。喺嗰時，三元里站喺2002年12月29號至到2010年9月21號期間冇大改動，呢個站一直係舊2號綫嘅北邊終點站。
由於舊嘅白雲機場喺2004年就搬走咗，而白雲新城就喺2007年先至搞掂嗮。而2號綫嘅北延段經過政府批准，終於喺2008年正式開始逳手起，而且重將北邊嘅終點站去到而家嘅嘉禾望崗站嗰度，改變咗呢個站作為2號綫嘅北行總站嘅歷史。而工程去到2010年9月21號先至起好嗮。喺2010年9月22號—2010年9月24號，舊嘅2號綫停運咗之後，呢個站都閂埋門嚟搞路線一分為二。
喺2010年9月25號，2號綫重新開放之後，呢個站就重新投入營運。而家佢係地鐵2號綫嘅中途站。
車站開通初期凈得A、B、C1、C2四個出入口，後來又開埋D同A1出入口，而之前嘅A出入口變咗A2。另外，B出入口之前係單獨嘅出入口，但泰安廣場起緊嗰時封咗，直到重新開通時改成而家個樣。
呢個站附近冇幾遠就係三元里客運站、機場高速公路嘅南面終點、廣州環城高速公路嘅廣花站，重有好多個貨運站場都喺呢度附近，而且週邊都係啲廣州市區北邊嘅重要交通樞紐，加上附近中有好多城中村嘅各種居民住宅區響度，所以呢個站嘅人流都幾多下，甚至重出現人山人海嘅情況。
- 日班車：
- 三元里站：
- 一般巴士：
- 21、46、87、93、179、185、187、274、278、519、528、540、555、556、803、807、840
- 無軌電車：
- 103、105、108、111、113
有斜道 | 
.svg){kind=small}
.svg){kind=small}
.jpg)
