𨋢
𨋢（係形聲字，粵拼：lip1，借自英文 lift /lɪft/），又叫電梯，書面語叫升降機[註 1]，係種打棟上落嘅機械，分載人上落嘅客𨋢同載貨嘅貨𨋢兩種。入邊通常有掣撳，表示想去邊層樓。有啲一邊門，有啲兩邊門，有啲有窗口。
對於行得嘅人，搭𨋢可能只係方便過行樓梯，但係對於用輪椅嘅人，𨋢係種無障礙輔助科技，係除咗斜道同輪椅升降台之外上落樓嘅唯一方法。
舊式𨋢同現時用嘅新式𨋢好多唔同。首先，舊式𨋢（尤其係貨𨋢）嘅門冇自動開閂嘅功能，需要自己用手開閂外門同內門；舊式客𨋢就好多時會有專人操作。新款𨋢多數識自動開門閂門，入邊有掣畀你自己撳，去到你想去嘅嗰層樓。
部𨋢開門嗰陣究竟係喺邊層樓，喺設計上係個問題。有啲𨋢開門會
「𨋢」字
編輯以前啲講廣東話嘅人用慣英文個「lift」字，未有漢字。後來粵語地區嘅人就以形聲方法造字，形旁「車」表示佢係載運工具，「立」粵拼：lap6表示相似讀音。亦有人話「立」亦表示咗呢種載運工具係直立運行嘅意思，係形聲兼會意。
有唔同學者試圖搵出「𨋢」字嘅漢字嘅源頭，澳門教授鄧景濱話個「𨋢」字嘅漢字「首見於」1991年12月6號澳門華僑報嘅一篇報道標題度：《怪客𨋢內擲出汽油瓶》[3][4]。 唔少喺1991年前落成嘅公共屋邨大廈同工業大廈，喺落成嗰陣或啟用初年已經用緊個「𨋢」字，早過1991年。影視運用方面，香港教育大學嘅《香港二十世紀中期粵語語料庫》，就收錄咗謝賢喺1959年嘅粵語電影《大廈情殺案》入面，已經講過「大佬呀，個𨋢仲停喺四樓喎」呢句對白[5]。
睇埋
編輯參考資料
編輯- ↑ 〈电梯〉。《百科全书》 (中國中文)。原著喺2023年8月18號歸檔。喺2023年8月18號搵到。
- ↑ 〈電梯科學新知-電梯知識篇〉 (臺灣中文)。崇友文教基金會。喺2025年5月5號搵到。
- ↑ 王惠、秦秀白. 粵語中的英語譯詞探微[J]. 華南理工大學學報, Vol.7 No.3 2005: 58-61.
- ↑ 鄧景濱 《港澳新詞語研究》[M]. 廣州:暨南大學, 1996.
- ↑ 香港教育大學：《香港二十世紀中期粵語語料庫》
註
編輯
 |