三山台

三山台（Sam Shan Toi）係香港第十高嘅山，海拔高721米，喺離島區大嶼山，附近範圍劃咗入北大嶼郊野公園。

三山台查實係蓮花山北面山脊上三座差唔多高度嘅山頭，近住蓮花山山頂，最高嗰座叫鴨腳瀝。

附近嘅行山徑

三山台山脊西面有一條山腰小徑，連接住蓮花山、薄刀屻同婆髻山。可以由東涌（經薄刀屻）、大蠔（經婆髻山）同梅窩（經蓮花山）等地行去三山台。不過呢啲都係冇人維修過嘅路徑，有一定嘅危險性。