三胞胎質數
喺數論中，三胞胎質數（又叫做三生質數）係一類由三個連續質數組成嘅數組。三胞胎質數嘅定義類似於孖生質數，佢哋個名亦都係好類似嘅。
定義 編輯
正如孖生質數係指差等於2嘅兩個質數，三胞胎質數係指三個連續質數，其中最大嘅一個減去最細一個嘅差唔超過6（因爲連續三個單數入面，起碼有一個會係 3 嘅倍數，所以唔要求個差唔超過4）。事實上，除咗最小嘅兩組三胞胎質數：(2, 3, 5) 和 (3, 5, 7)，其佢嘅三胞胎質數都係相差達到6嘅三元數組。除咗以上兩個特例以外，三胞胎質數分為兩類：
- A類三胞胎質數，構成為 ，相差2嘅兩個孖生質數喺前面，例如：(5，7，11)；(11，13，17)； (17，19，23)；等等。
- B類三胞胎質數，構成為 ，相差2嘅兩個孖生質數喺後面，例如：(7，11，13)；(13，17，19)；(37，41，43)；等等。
