下關區

下關區係中國江蘇省南京市一個曾經設過嘅市轄區，2013年3月28號併入到鼓樓區。面積31 km²，人口28萬（2007年數據）。區治喺商埠街17號。轄6條街道：閱江樓街道、熱河南路街道、幕府山街道、建寧路街道、寶塔橋街道、小市街道。

下關區來源自民國時期第七區（下關區），個名出自當地地名，係指明洪武元年（1368年）喺龍江設嘅稅關「龍江關」，鄭和去西洋支船隊就喺龍江關出發。宣德四年（1429年）喺上新河設上新河關後，民間稱地處上游嘅上新河關為「上關」、地處下游嘅龍江關為「下關」。下關逐漸成為三汊河（秦淮河江口）到上元門沿江地帶嘅地名。