鼓樓區 (南京)

  想搵第二個意思嘅話，請睇鼓樓區。

鼓樓（粵拼：gu2 lau4）係中國江蘇省南京市嘅一個區。面積53km²，其中南京城內部分16.82km²，江東新區部分9.8km²，兩部分以秦淮河間隔。人口82萬（2010年數據）。轄13條街道。江蘇省府駐喺北京西路。

• 街道：寧海路街道、華僑路街道、湖南路街道、中央門街道、挹江門街道、江東街道、鳳凰街道、閱江樓街道、熱河南路街道、幕府山街道、建寧路街道、寶塔橋街道、小市街道

史

周顯王三十六年（前333年），楚威王熊商打敗越軍之後，喺石頭山置金陵邑，南京城開始起。秦始皇赢政三十七年（前210年），始皇東巡到金陵，改金陵邑做秣陵縣，增設江乘縣。漢獻帝建安十六年（211年），吳侯孫權自京口（鎮江）移治秣陵，遞年改秣陵做建業。晉改建業爲秣陵、建鄴、建康，南朝都定南京城爲都。隋唐降低建康政治地位，由郡降爲州，再降爲縣。而家鼓樓區境內自五代楊吳天祐十四年（917年）到清末，始終係江寧、上元兩個縣管轄。明初，築南京城牆，鼓樓區大部分圈入内城，其餘喺外城牆之內。

鼓樓區起源於民國時期嘅第六區（城北西區），得名自區內嘅鼓樓。2013年3月28號，下關區併入到鼓樓區。

攷

• 南京鼓樓區政府