世界童軍組織
世界童軍組織係一個跨國組織，負責管理各國童軍運動，有成280萬人，同世界女童軍協會（World Association of Girl Guides and Girl Scouts，簡稱WAGGGS）相對。
| 童軍會 | |
|---|---|
| |
| 會明細 | |
| 名 | World Organization of the Scout Movement |
| 中文名 | 世界童軍組織 |
| 總部 | 瑞士日內瓦 |
| 國 | 全世界 |
| 開響 | 1920 |
| 創辦人 | 貝登堡 |
| 會員 | 2800萬 |
| 阿頭： | Eduardo Missoni (Secretary General), 許宗盛 (chairman WSC) |
| Scouting portal | |
世界童軍會議 編輯
世界童軍會議係每三年辦一次，負責同埋討論管理童軍國際事務嘅會議，而會議之前都會有世界童軍青年論壇。會議係童軍嘅集會，而且會由唔同嘅成員總會排除六個人嘅代表出席。如果一個國家多過一成員總會，呢啲總會就要組成一個聯會先，揀選完再派佢哋最終嘅代表。某啲總會要成為會議成員，就要跟住組織嘅宗旨同原則，同埋響國內政治要獨立。
會議會有大家同意合作方向，同埋互相協調計劃。上次開會係2005年，響突尼西亞嘅咸馬滅（Hammamet）。下一次開會就響2008年南韓。
世界童軍委員會 編輯
世界童軍委員會係由會部都選出嚟嘅義工，主要負責執行。委員會喺兩次大會之間，代表世界童軍會議。委員會成員每六年選一次，無論乜嘢國藉都可以選。
銅狼獎 編輯
銅狼獎係一個頒畀對組織特別有貢獻嘅人，由委員會頒畀啲為世界童軍運動帶嚟重大影響嘅人。第一次就係喺1935年頒畀童軍運動嘅創辦人貝登堡，嗰陣時係國際委員會響斯德哥爾摩嘅決定。
世界童軍總部 編輯
世界童軍總部（舊時叫國際總部）係會議同委員會嘅祕書處，負責執行兩者嘅指示。佢係總祕書負責管理，同埋有一小班技術職員支援。職員幫各總會推行童軍運動，主要係改善同擴闊童軍組織，方法包括訓練專業人員同義工，確立財務政策同籌措資金技巧，改善社羣設施同方法，協助整理國內資源。
職員亦都安排全球活動，好似世界童軍大露營，鼓勵地區活動，聯絡其他國際組織。
- 歐洲區：瑞士日內瓦、比利時布魯塞爾同埋塞爾維亞貝爾格萊德
- 阿剌伯區：埃及開羅
- 非洲區：肯雅奈羅比、南非開普敦同埋塞內加爾達卡
- 亞太區：菲律賓馬卡地市、澳洲同埋日本東京
- 美洲區：智利聖地牙哥
- 歐亞區：烏克蘭古舒夫同埋俄羅斯莫斯科
組織同響瑞士康德斯堡（Kandersteg）嘅康德斯堡國際童軍中心有聯繫。呢個中心係獨立非牟利嘅。組織大約四年搞一次世界童軍大露營，亦都會請埋世界女童軍協會嘅成員。組織亦都搞世界樂行童軍大露營（World Scout Moot）畀17到26歲嘅童軍，同埋世界童軍領袖大露營（World Scout Indaba）畀童軍領袖。世界童軍基金會係有一筆長年基金，由另一班人管理，係世界各地嘅人捐出來畀世界各地發展童軍動用嘅。
世界童軍組織係非政府組織，響聯合國度代表童軍運動。佢同世界女童軍協會都響聯合國經濟及社會理事會裏面有顧問地位[1]。
徽章 編輯
世界童軍組織會員章係個紫色圓型徽章，中間有光明之花（fleur-de-lis），花畀條繩包住，繩底紮咗個平結。光明之花係古代符號，原本係貝登堡將童軍同英軍列隊嗰時用，之後就修改下畀童軍用。花上箭頭係就好似現代指南針咁，個尖永遠指向北，係指向服務同團結嘅路。花上三尖就係童軍三方面責任，對神明，對自己同對他人。兩粒五角星係代表真理同知識。兩星十個尖係代表貝登堡提出原本十點嘅童軍規律。花底紮住係表示童軍家庭。而外圈繩就係團結，同埋世界童軍運動嘅大家庭。
參考 編輯
- ↑ "WAGGGS and the UN". 原著喺2012年7月17號歸檔. 喺2006年9月3號搵到.