好望角鎮

好望角鎮全景

好望角鎮（英文：Cape Town，南非荷蘭文：Kaapstad；豪薩話：iKapa），北話叫開普敦，係南非一城市，亦係一埠。行政上，佢係南非嘅立法京城，亦係西開普省省城。因爲咁，好望角鎮有南非嘅國民議會同唔少政府機關。人口來講，係南非第二，而地就全國第一。名勝有譽為「上帝嘅餐檯」嘅桌山（英文：Table Mountain），同埋印度洋同大西洋交匯嘅好望角。好望角鎮以良港而聞名，近非洲最南端，東去印度洋，西去大西洋。佢亦係非洲最多人去嘅旅行點。

好望角鎮由荷蘭人開埠，係去東非、印度同遠東嘅好重要嘅補充站，當時係1652年4月6號。好望角鎮嘅意思，係海角之城，因好望角而名。