世界紅十字、紅新月日

 世界紅十字日（粵拼：sai3 gaai3 hung4 sap6 zi6 jat6） （英文：World Red Cross Day），西亞同北非地區又嗌世界紅新月日sai3 gaai3 hung4 san1 jyut6 jat6（阿拉伯文：اليوم العالمي للهلال الأحمر‎），係一個國際性嘅紀念日，喺每年5月8號搞。

由來

睇埋：亨利杜南

1922年打完一戰後，好多人諗住唔使成日打仗，喺捷克斯洛伐克同國家紅會喺復活節宣佈停戰三日。嗰時有位政府領導人總結到倡議，話「紅十字希望既可以預防疾病，又防止社會出現戰亂。若果紅十字可以擴散到社會各界嘅道德潛力兼發展起身嘅話，對和平都有好大貢獻。」後嚟呢句成爲設立紅十字日嘅基礎。雖然嗰時有啲國家嘅紅會領導人對佢呢句產生懷疑，但喺第十四屆紅十字國際大會入面設立咗國際委員會嚟研究紅十字停戰，重喺1934年喺東京開嘅第十五屆紅十字國際大會提交埋報告，話承認停戰兼推廣原則。最後呢個停戰原則直到1946年先至實施，重研究幾時設定國際紅十字日。最後經過聯合會執行委員會同意，從1948年5月8號開始，逢每年5月8號都係世界紅十字日。後嚟因為考慮到越嚟越多西亞同北非啲紅新月會加入，喺1984年先至最後確定噉嘅日子嗌「世界紅十字、紅新月日」。

註同攷

註

攷