中國八大民主黨派

中國八大民主黨派中國大陸民主黨派,係由中國共產黨建立中華人民共和國後,存在至今一種政治合作方式,中共以「長期共存、互相監督、肝膽相照、榮辱與共」為基本方針,領導多黨合作同政治協商制度,又叫「中國共產黨領導的多黨合作制」或「一黨領導的多黨合作制」。

中國模式下民主黨派同外國多數多黨制例子唔同,民主黨派係中共同意組成為前提,係中共衛星黨,多數係左派親共人士。

歷史 編輯

國民政府時期民主黨派被中共過濾。為得到中共支持而生存,各民主黨派得到內部清理整頓,無表明親共會被清洗,最後終止「政治面目不清」(冇表態支持中共一黨制)局面,自始一片紅。經中共介入民主黨派內部,確定各民主黨派所有國外同地區組織分支,活動停止,免除中共同外國出現外交問題。

1954年4月27號,《關於各省、市人民代表大會和省市人民政府委員會中民主人士安排方案的意見》得到中共中央批准。

各民主黨派之所以擁護同接受中共領導,中共指:

  • 各民主黨派通過各自實踐感受到只有中共先可以領導人民贏得民族獨立、人民解放。
  • 各民主黨派確信建設中國社會主義,實現國家富強、人民幸福,冇共產黨領導係唔得。

現況 編輯

排名 政黨 簡稱 主席 全國人大席位數 全國人大常委會席位數 黨員数 省級黨組織數 建立時間
1. 中國國民黨革命委員會 民革 萬鄂湘 5 162,000
(2012)
30 1948年1月
2. 中國民主同盟 民盟 張寶文 64 8 274,000
(2016)
30 1941年10月
3. 中國民主建國會 民建 陳昌智 69 2 140,000
(2008)
30 1945年12月
4. 中國民主促進會 民進 嚴雋琪 5 65,000
(2008)
29 1945年12月
5. 中國農工民主黨 農工黨 陳竺 6 125,600
(2014)
30 1930年8月
6. 中國致公黨 致公黨 萬鋼 3 40,000
(2008)
20 1925年10月
7. 九三學社 九三 韓啟德 7 149,797
(2014)
30 1946年5月
8. 臺灣民主自治同盟 臺盟 林文漪 3 2,700
(2015)
18 1947年11月

點解冇黨標誌 編輯

1950年,中國致公黨停用黨旗——藍白井字旗。而家大陸無一民主黨派使用黨旗、黨徽。2016年有報導指,民建領導人成思危以「冇考慮」同「唔希望」回答冇黨旗黨徽問題,並以「會旗」、「會徽」作為替代用詞。

睇埋 編輯