中國大陸

一個政治與法律術語,主要用嚟描述中華人民共和國在特別行政區及中华民国现所管辖的地理区域以外所管轄的地理區域

座標: 36°4′1″N 105°57′50″E / 36.06694°N 105.96389°E / 36.06694; 105.96389

中國大陸粵拼zung1 gwok3 daai6 luk6)指中國喺歐亞大陸嘅疆土,係一個政治地理名詞,大概係等於1949年中華人民共和國建國後所管治嘅地方,同中華民國管治臺灣澎湖金門馬祖呢啲島相對。雖則香港澳門當時同中華人民共和國相連,但因分別遲成1997年同1999年主權先畀咗中華人民共和國,兩地唔歸入中國大陸。

根據實際控制邊界確立嘅中國大陸、香港澳門臺灣地區相對位置。
中國大陸

中國大陸係中國政局各方同各地華人可以接受嘅名,因為唔會講到係中華民國定中華人民共和國呢個敏感問題。

中國內地 編輯

內文:中國內地

「(中國)內地」係香港同澳門官腔用詞,政治意味濃。「內地」嘅呢種用法,來自中國舊朝代及大日本帝國[1]

港澳兩處平民用廣州話閒話家常嗰陣時,不嬲會用「大陸」呢個約定俗成,而唔準確嘅地理中性詞。於是乎,喺坊間興起,踩大陸同大陸人嘅花名,每每都係喺「大陸」前後加字而成。當中有啲甚至變成好收得嘅影視作品入面,經典對白嘅一部分,深入心民……久而久之,「大陸」呢個詞偶然會帶來唔多好嘅聯想,令某啲人忌諱。然而香港同澳門政府,已經揀咗「內地」作文雅用詞,忽略佢可能有殖民主義色彩嘅嫌疑。

中國國內 編輯

海外華人興用「中國國內」。

祖國 編輯

其它叫法重有地域意思含糊嘅祖國,喺政治宣傳度猛咁出現,經常用來表示同埋捧個政府。

參考 編輯

  1. . CUP. 2020-07-07.