中國公安部兒童失踪信息緊急發布平台
公安部兒童失蹤資訊緊急發佈平台（「團圓」系統）係由中國公安部刑事偵查局運營，阿里巴巴集團提供技術支援嘅失蹤兒童資訊發佈平台。
歷史
編輯2016年5月15號，公安部兒童失蹤資訊緊急發佈平台喺北京正式啟動。呢個平台會將經過警方確認嘅失蹤兒童資訊推送到兒童失蹤事發地周圍嘅人群手機上，以動員大眾搵尋同反饋拐賣相關罪行嘅線索，同埋透過官方嘅新浪微博帳號、高德地圖軟件等平台進行發佈。 [1]。
2016年11月16號，平台第二期上線。支付寶、UC瀏覽器、手機淘寶、YunOS系統、騰訊QQ、百度、一點資訊、今日頭條、360手機衛士、滴滴出行等應用程式接入呢個平台[2]。
2017年5月17號，平台第三期上線。中央人民廣播電台國家應急廣播中心、騰訊新聞客戶端、阿里錢盾、寶寶知道、易到、ofo共享單車、寶寶樹等媒體、應用程式接入呢個平台[3]。
2018年5月24號，平台第四期上線。新華社客戶端、中國中央電視台影音客戶端、餓了麼同埋點我達四個手機應用接入呢個平台[4]。
參考文獻
編輯- ↑ 邢丙银、曾雅青 (2016-05-15)。〈公安部启动儿童失踪信息紧急发布平台，信息精准推送相关人群〉。《澎湃新闻》。原著喺2020-09-17歸檔。喺2019-06-30搵到。
- ↑ 〈公安部：儿童失踪信息紧急发布平台已找回儿童260名〉。《中新网》。中新社。2016-11-16。原著喺2020-08-07歸檔。喺2019-06-30搵到。
- ↑ 王梦遥 (2017-05-17)。〈公安部儿童失踪信息紧急发布平台三期上线 此前一年找回1274人〉。《新京报网》。原著喺2019-06-30歸檔。喺2019-06-30搵到。
- ↑ 赵恩泽、江虹霖 (2018-05-24)。〈公安部儿童失踪信息紧急发布平台"团圆"系统四期上线〉。《人民网》。原著喺2018-05-28歸檔。喺2019-06-30搵到。