安珀警報
安珀警報（粵拼：ngon1 paak3 ging2 bou3，英文：AMBER Alert），又叫做拐騙兒童緊急警報（gwaai2 pin3 ji4 tung4 gan2 gap1 ging2 bou3，Child Abduction Emergency，簡稱CAE），係一種拐騙兒童嘅警報系統，1996年第一次喺美國出現，以當年一名受拐騙然後遭殺害嘅女仔安珀·蕾妮·哈格曼（Amber Rene Hagerman）來命名。而家喺加拿大、歐洲部份國家同澳洲都有類似嘅警報系統。
簡史 編輯
1996年，一個九歲女童安珀·蕾妮·哈格曼俾人由佢祖父母喺德州阿靈頓嘅屋外拐走。四日之後，佢嘅遺體俾一個放緊狗嘅鄰居發現[1]。之後，喺安珀嘅屋企人嘅推動之下，當地嘅媒體同執法機構整好美國嘅第一套拐騙兒童警報系統，後來逐漸推廣到其他地方[1]。
啟動標準 編輯
為徂避免錯誤警報影響市民對警報嘅重視程度，安珀警報嘅啟動標準係好嚴格嘅。
目前加拿大皇家騎警嘅安珀警報啟動標準：要符合澌以下四個條件先至會啟動[2]：
- 警方確認有兒童俾人拐走／綁架徂；
- 拐走嘅只能夠係未成年人或者有嚴重身／心障礙嘅人；
- 警方有理由相信受拐者有可能嚴重受傷，甚至死亡；
- 警方有理由相信：向大眾廣播現有嘅線索，有助於儘快安全恁攈返受拐者。
一旦警方確認四個條件都符合澌，警方就會向媒體同大眾發佈相關線索同資料，而新聞亦都會即時廣播相關事項。
美國司法部發佈嘅標準同加拿大嘅標準類似。如果加美任何一方認為拐騙人有可能偷越過境，就會向另一方通報。