中國共產黨第四次全國代表大會

中國共產黨第四次全國代表大會於1925年1月11號至22號响上海虹口區東寶興路254弄28支弄8號嘅一棟石庫門住宅入面舉行。出席大會嘅有陳獨秀、蔡和森、瞿秋白、譚平山、周恩來、彭述之、張太雷、陳潭秋、李維漢、李立三、王荷波、項英等20人代表當時全國994名黨員參加大會。共產國際代表維經斯基參加會議。陳獨秀代表第三屆中央執行委員會作咗工作報告。

國共合作統一戰線嘅建立，令工人運動逐漸恢復，農民運動日益興起，全國革命形勢迅速高漲。為咗總結國共合作一年嚟嘅經驗，加強對革命運動嘅領導，回答黨所面臨嘅好多新問題，中共四大就係响呢種背景下召開嘅。

中共四大最重要嘅貢獻係响黨嘅歷史上第一次明確提出咗無產階級响民主革命中嘅領導權同工農聯盟問題。關於無產階級領導權問題，《對於民族革命運動之議決案》明確指出：「無產階級嘅政黨應該知道無產階級參加民族運動，唔係附屬資產階級而參加，乃以自己階級獨立嘅地位同目的而參加」。「無產階級係最有革命性嘅階級」。所以，民主革命「必須最革命嘅無產階級有力咁參加，並且取得領導嘅地位，先至能夠得到勝利」。關於工農聯盟，《對於農民運動的議決案》闡明咗農民係無產階級同盟軍嘅原理，強調農民响中國民族革命中嘅重要地位，指出：無產階級同佢嘅政黨如果唔發動農民起來鬥爭，無產階級嘅領導地位同中國革命唔可能得到成功。此外，大會亦提出响「反對國際帝國主義」嘅同時，既要「反對封建嘅軍閥政治」，又要「反對封建嘅經濟關係」，呢啲表明黨對反封建嘅內涵有咗進一步嘅認識。

大會總結一年來國共合作嘅經驗教訓後指出：無產階級响民族運動中既要反對「左」嘅傾向，亦要反對右嘅傾向，而右嘅傾向係黨內主要危險。共產黨要做到：响國民黨內同黨外堅持徹底嘅民主革命綱領；保持自己嘅獨立性；响思想上、組織上同民眾宣傳上擴大左派，爭取中派，反對右派；既幫助國民黨响實際運動同組織上發展，又加緊同國民黨內嘅妥協傾向作鬥爭。

大會圍繞當前嘅中心工作，通過咗《對於民族革命運動之議決案》等11個議決案，並選出新嘅中央執行委員會。新當選嘅中央執行委員共9人：陳獨秀、李大釗、蔡和森、張國燾、項英、瞿秋白、彭述之、譚平山、李維漢；候補執行委員5人：鄧培、王荷波、羅章龍、張太雷、朱錦堂。喺隨後舉行嘅中央執行委員會第一次會議上，陳獨秀當選為中央總書記兼中央組織部主任，彭述之任中央宣傳部主任，張國燾任中央工農部主任，蔡和森、瞿秋白任中央宣傳部委員，以上5人組成中央局。

中共四大作出嘅各項決策，為大革命高潮嘅到來作咗政治上、思想上同組織上嘅準備。之後，全國嘅革命形勢迅速發展，工人運動風起雲湧，農民運動轟轟烈烈，為即將到來嘅大革命高潮奠定咗廣泛嘅群眾基礎。

中共四大會會址已經响20世紀30年代嘅日本侵華戰爭中被毀。1980年代原址改建三幢五層公房。1995年中共四大召開70周年嘅時候，上海市政府响呢處立碑紀念。經中共上海市虹口區委嘅多方徵集、多年考證，最終確定中共「四大」原址嘅位置；並考證出咗當年出席會議嘅20名代表嘅姓名、身世，响中共「四大」史料嘅徵集、研究方面，填補咗空白。《中國共產黨第四次全國代表大會》一書亦已經响2005年1月由中共黨史出版社出版。