開主選單
李大釗

李大釗1889年10月29號1927年4月28號),字守常中國河北唐山人,中國最早嘅馬克思主義者同共產主義者之一,係中國革命家,同埋中國共產黨嘅創黨人,亦係第三國際响中國代理嘅成員。喺中國有好重要嘅影響,同陳獨秀一齊俾人叫做南陳北李

1913年至1917年,佢喺日本早稻田大學讀書,1918年就喺北京大學圖書舘做主任,同時做埋經濟歷史等系嘅教授,培養學生獨立自主、開放進步嘅思想精神,呢種思維同精神成為咗五四運動嘅重要力量。1921年6月3號喺新華門總統府請願嗰陣,俾人刺刀拮傷個。同年7月23號到7月30號,同埋8月2號,佢有事所以冇參加到响上海嘉興舉行嘅中國共產黨第一次全國代表大會。1923年6月12號到6月20號,佢出席咗喺廣州開嘅中國共產黨第三次全國代表大會。1924年1月20號到1月30號,佢又出席咗喺廣州召開嘅中國國民黨第一次全國代表大會。1925年1月11號到1月22號喺中國共產黨第四次全國代表大會入面,被選做中央執行委員。1927年4月6號响北京蘇聯大使館俾奉系軍閥阿頭張作霖捉咗,4月28號俾張作霖殺埋。

1989年蘇聯出版嘅李大釗郵票

2009年7月20號至8月10號李大釗俾全國「雙百」評選揀咗做100個為新中國成立作出突出貢獻嘅英雄人物之一。