中國在美留學生
相關議題 編輯
學術誠信問題 編輯
有部份中國在美留學生，會搵人代為上課、考試、交作業。呢啲行徑已經發展成爲非常成熟嘅產業鏈。
《自由時報》喺2020年12月報道，美國羅格斯大學有一個中國籍學生喺11月中旬車禍死咗，但係教授之後仍然陸續收到佢嘅功課同電郵，事件驚動學校管理層，最後揭發原來個學生生前用咗網上課程代管網站嘅服務。有教授接受訪問嘅時候形容，呢啲網課代管嘅產業鏈已經發展得非常完善，提供「一條龍服務」，學生只要將學校網站帳號密碼交畀業者，就可以喺分數上「保B爭A」[2]。
對北京政府立場 編輯
有唔少媒體都報導，中國在美留學生喺香港問題同一啲中國同其他國家外交議題上，都展現出高度支持北京政府，甚至會對稍有其他睇法嘅人，作出狙擊，起底等行為。就算有少部分學生認同西方價值觀或者採取同情香港嘅立場，都因為驚畀其它人狙擊而唔敢表態。
喺2017年5月21號馬里蘭大學學院市分校畢業典禮上，中國大陸昆明嘅留學生楊舒平發表畢業演講時，讚揚美國嘅民主同言論自由，呼籲為「民主、自由」嘅清新空氣而奮鬥。雖然佢冇任何貶低中國嘅詞語，但仍然遭到一啲愛國嘅留學生狙擊同起底[3]。
另外，美國加州大學聖地亞哥分校宣佈邀請西藏精神領袖達賴喇嘛訪問之後，當地嘅中國留學生同訪問學者，喺諮詢中國駐當地外交官後，都有強烈嘅反對行動[3]。
喺香港逃犯條例爭議期間，喺波士頓留學嘅香港學生許穎婷（Frances Hui）四月喺校報上發表觀點文章，話自己來自香港唔係中國，結果引嚟好多中國在美國嘅留學生攻擊。許穎婷接受訪問嘅時候就話，當時自己好似俾人監視咁樣[4]。
武漢肺炎期間經歷 編輯
喺武漢肺炎疫症期間，中美關係緊張。當奴侵政府喺2020年中，因為國家安全理由取消咗3000個同中國軍方軍校有關嘅中國留學生嘅簽證，又拘捕咗一啲申請學生簽證嘅時候隱瞞自己同中國解放軍關係嘅人，有美國參議員甚至建議，美國應該全面禁止中國留學生喺美國學習理工科。有中國在美留學生接受媒體訪問嘅時候就話自己進退維谷，美國嘅環境對佢哋唔友善，中國又減少咗好多國際航班，中國嘅社交媒體又評論佢哋係二世祖，想返中國係萬里投毒[1]。
成為統戰工作對象 編輯
參考 編輯
- ↑ 1.0 1.1 〈「美國想把我們踢出去，中國還不讓我們回去」〉. 《BBC News 中文》 (繁體中文). 喺2020-12-18搵到.
- ↑ 自由時報電子報 (2020-12-17). 〈中國留美學生去世1個月持續交作業 大學教授們嚇壞了 - 國際〉. 《自由時報電子報》 (中文). 喺2020-12-18搵到.
- ↑ 3.0 3.1 〈怒罵楊舒平的愛國學生：新一代紅衛兵？〉. 《BBC News 中文》 (繁體中文). 喺2020-12-18搵到.
- ↑ 〈「我來自香港，不是中國」——中港矛盾延燒至美國校園的故事〉. 《BBC News 中文》 (繁體中文). 喺2020-12-18搵到.
- ↑ 文字：《追新聞》記者 (2023-08-04). 〈美國僑領下場｜福建愛國商人林建新「被自殺」？ 知情人士：逾千萬美元融資紛爭不斷 | 追新聞〉. thechasernews.co.uk (臺灣中文). 喺2023-08-06搵到.