中國浸信會神學院
中國浸信會神學院（英文：China Baptist Theological Seminary）係香港一間神學院，由萬國宣道浸信會喺1966年創立，院址喺新界沙田朗下禾輋95號。
歷史
編輯「中國浸信會神學院」前身係「香港浸信會聖經學院」。由萬國宣道浸信會喺1966年創立，位於九龍城太子道309號。之後喺1972年搬到大角咀福全街十七號自置院舍，並喺1980年成功購買附近兩個單位，學院由一千幾呎增加到六千呎。1996年學院更喺沙田下禾輋購買一幅六千呎嘅地皮，經歷咗近十年嘅申請同籌劃，新院舍終於喺2006年7月落成，並由三座三層獨立嘅樓房所組成。每層七百呎，共六千三百呎樓面面積。主要用嚟做：課室、禮堂、飯堂、辦公室、圖書館、溫習室同男女宿舍等。
聖經學院創辦初期，只設立三年制文憑同基督徒生活證書課程，以培訓有心獻身嘅信徒為傳道人同埋裝備有心追求嘅信徒。到咗1980年聖經學院成功擴展，學院就開始思想未來嘅發展方向。為咗回應時代嘅需要，學院除咗喺1980年開辦四年制學士學位課程之外，亦希望加入中國事工元素，所以學院除咗正式命名為「中國浸信會神學院」之外，院徽亦加入咗中國地圖；此外，更分別喺1999年同2001年開辦教牧進修同全時間道學碩士課程；2007年開辦教牧學碩士同一年制聖經研究高級證書課程，為有志進修嘅傳道同工同有心全時間事奉並等候呼召嘅信徒領袖提供學習機會。
課程
編輯全日制課程
編輯- 聖經研究高級證書
- 神學文憑
- 神學學士
- 道學碩士
部份時間課程
編輯- 教牧學碩士
- 教牧進修道學碩士
夜校課程
編輯- 聖經研究副學士
- 神學證書課程
- 個人成長證書課程