中國石油天然氣股份有限公司（英文：PetroChina Company, Limited），簡稱中石油（英文：PetroChina），係一間響中華人民共和國註冊嘅股份有限公司，主要業務係同原油同天然氣相關嘅各項業務。佢係響1999年11月5號由中國石油天然氣集團發起成立，2000年4月6號響美國紐約證券交易所發行預托證券（紐交所：PTR），第二日響香港交易所掛牌上市（港交所：00857）。佢響2007年11月5號回歸A股，響上海證券交易所掛牌上市（上交所：601857），上市當日已經超越咗埃克森美孚，成為全球最大市值嘅上市公司，更係全香港第一間市值超過一萬億美金嘅上市公司。
