中大站 (廣州)

中大站（粵拼：zung1 daai6 zaam6；英文：Sun Yat-sen University Station）係廣州地鐵8號綫嘅一座車站，喺海珠區新港西路同立新街嘅交界地底，中山大學南門西邊310米嗰度，喺2003年6月28號開放。

中大 Sun Yat-sen University
中大站嘅站名
概覽
冧巴	821
位置	海珠區新港西路同立新街嘅交界地底，中山大學西門同南門之間。
座標	23°5′30.48″N 113°17′38.04″E
車站色
經過路線	8
啟站	2003年6月28號
月台數	1
營運資訊
車站服務時間	06:09-23:54
列車服務時間	06:14-23:49
廣州地鐵8號綫 滘心站　◄曉港站 鷺江站►　萬勝圍站

呢個站喺2003年6月28號到2010年9月22號為止，係2號綫嘅車站。

結構

樓層

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係8號綫嘅月台。同大多數嘅8號綫車站一樣，冇休息室同廁所響度。

打掂

地下 一樓	站廳	站廳、售票機
地下 二樓	1月台	←8號綫列車去曉港站（行滘心嗰邊）
	島式月台，開左邊門
	2月台	8號綫列車去鷺江站（行萬勝圍嗰邊）→

打橫

中大站嘅站廳

中大站嘅月台，喺2014年8月27號影。

柱上啲字

站廳

中大站嘅收費區喺站廳嘅南邊，而北邊係人行通道。車站商舖都喺嗮南邊收費區入面，而自助服務喺嗮車站嘅東西兩邊。站廳入面重有好多部扶手電梯同樓梯往返月台。而專用𨋢喺車站嘅西邊免費區域入面，乘客如估有需要，可以向車站嘅工作人員查咗車飛之後嚟協助用。

月台

呢個站有1個島式月台，喺新港西路嘅地底。

商舖同自助服務

而家嘅中大站入面有好多唔同類嘅鋪頭畀乘客買嘢同食嘢，好似有便利檔、糕餅檔、書店同洗衫舖等。

另外，中大站入面重有好多自助服務設施畀乘客用，包括咗建設銀行嘅自動櫃員機同埋自動販賣機、自動影相機等；重有好易機嚟充羊城通，交水電費同交通嘅罰錢等服務；而M-Touch機係可以查地鐵嘅路線、頭尾班車同埋地鐵嘅安全指引，重可以畀乘客登記做廣州地鐵薈嘅會員嚟查獎分、換獎品。

商舖 天天洗衣 利口福 鴻福堂 7-Eleven 日閱堂 棉元素

自助服務 自動影相機 自動販賣機 建設銀行自動櫃員機 M-Touch地鐵資料查詢 好易（Hotye）多媒體自助服務終端

出入口

中大站冚唪唥嘅出入口
A出入口 A出入口  B出入口 B出入口  C1出入口 C1出入口  D出入口附近 D出入口附近

呢個站有四個出入口，分別係A、B、C1，D。

冧巴	標記	方位	去到邊度
出入口A	新港西路	東北	新港西路、中山大學正門、廣東省昆蟲研究所、省榮軍醫院（榮校）①公交站（西行）
出入口B	新港西路	西北	新港西路、怡樂路、中山大學西門、中山大學海珠科技園、日之泉皮草皮革總匯、浦發銀行輕紡城支行、省榮軍醫院（榮校）②公交站（西行）
出入口C1	新港西路	西南	新港西路、廣州輕紡交易園、省榮軍醫院（榮校）①公交站（東行）
出入口D	新港西路	東南	新港西路、立新東街、廣東省榮譽軍人康復醫院、廣州國際輕紡城、雙子星城花園、廣州長江（中國）輕紡城、珠江國際紡織城、嘉禾紡織品展示中心、銀嶺皮革毛絨交易中心、省榮軍醫院（榮校）②公交站（東行）
註： 有盲人引導徑 | 有斜道 | 有輪椅升降臺

頭尾班車信息同配線圖

配線圖
█ 8號綫 ▲鷺江站
▼曉港站

行去邊頭	頭班車	尾班車
每日
8號綫
去滘心站	06:09	23:14
去萬勝圍站	06:10	23:40
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

舊2號綫時期嘅中大站（2003年6月28號——2010年9月21號）

規劃時期（1988年）

喺1988年嘅「十字綫網」規劃入面就出咗嗰時嘅「美術學院站」，佢就係嗰時舊2號綫嘅一個站，喺廣州大道嘅東邊。後嚟喺1997年嘅《廣州市城市快速軌道交通線網規劃研究（最終報告）》入面話要將條2號綫一分為二，而呢個站係話嗰時5號綫（唔係而家嘅5號綫）嘅一個站。而曉港站到琶洲嗰橛都加入咗2號綫一期嘅工程入面，之後用咗先行貫通，重留低咗拆解嘅條件。而規劃嘅車站名都改咗做「中大站」。

通車之後，舊2號綫時期（2003年6月28號——2010年9月21號）

2002年12月28號，地鐵2號綫首通段通車嗰時，從曉港到琶洲呢橛重未開放。而呢個站就到咗2003年6月28號嘅2號綫（曉港到琶洲嗰橛）開通咗之後先至開放。

2號綫同8號綫一分為二（2007年6月25號——2010年9月25號）

2007年6月25號，國家發改委通過咗廣州地鐵2號綫同8號綫嘅延長段工程。工程喺2007年8月正式逳手，佢就係將舊嘅二號綫喺呢個站同江南西站之間嘅位拆開，分別向南、西、北三個方向延長。喺2010年9月22號——24號，成條舊嘅二號綫都停運咗，嚟搞路線一分為二嘅工程。

8號綫時期（2010年9月25號之後）

喺2010年9月25號朝早，呢個站重新開放，改咗係8號綫嘅一部分。

出入口

喺舊2號綫開通之後，呢個站係整咗A、D兩個出入口，B出入口嗰時已經起好但荒廢咗好幾年，畀市民鬧到飛起，後來B出入口喺2006年7月10號開放。

而C出入口就因為單位嘅規劃、報建同施工出咗冬瓜豆腐而搞到一鑊熟。直到2012年，廣州輕紡交易園自己出1000萬蚊嚟向地鐵公司起C1呢個出入口。2015年1月9號，C1出入口正式開放。

利用狀況

呢個站附近就係中山大學嘅南校區同中大布匹批發市場，重有一大片住宅區響度。呢個站嘅客流麻麻地，以中山大學嘅學生同住喺呢度附近啲居民，重有一少部分係批發市場啲拉客仔為主。

周圍建築

• 中山大學（南校區）
• 廣東省榮軍醫院
• 廣東省昆蟲研究所
• 美景花園
• 廣州輕紡交易園

上一站•下一站

上一站⇚⇚　　　　廣州地鐵　　　　⇛⇛下一站
曉港站 滘心站←	中大站 8號綫	鷺江站 →萬勝圍站