中山大學天文台舊址

 中山大學天文台舊址（粵拼：zung1 saan1 daai6 hok6 tin1 man4 toi4 gau6 zi2） 係中國廣東廣州嘅民國特色古建築，1929年3月起好，位置喺越秀區125號嘅龍騰社區大院入面，中山圖書館北邊近魯迅紀念館嘅後邊，珠江製片分公司對面。佢既係廣東近代第一間天文台，又係華南唯一由國人自辦嘅天文台，甚至係中國大陸繼上海徐家匯天文台後，第二間起好嘅天文台。初期中山大學喺文明路做校區時，間嘢除咗負責學校嘅教學任務之外，重做埋第一次測量廣州嘅經緯度同埋航空天文學等社會任命教學任務。

中山大學天文台舊址
廣東省文物保護單位
喺邊	廣州市越秀區
座標	23°7′40.44″N 113°16′20.35″E
類	近現代緊要史跡同代表性建築
時代	1929年3月
冧	1-10
登錄	1978年7月18號
地圖

間嘢喺中國大陸天文史上，有住緊要嘅地位。

史

1925年，做緊國立中山大學數學天文系主任兼留法博士——張雲以「呢種學科唔可以重理論輕實踐」嘅理由而上書到國民政府，話一定要起間設施完善嘅天文台先至得，結果俾全力北伐緊嘅民國政府同意咗先起間細規模嘅天文台。直到1927年2月，天文台正式開工，雖然期間遇到唔夠錢、改好多設計同埋政局多變、施工撻Q嘅事，但張雲一直堅持同主持落去，卒之喺一個月後起好，重喺1930年6月29號辦咗落成開幕典禮。

間嘢起好後，天文台一直負責低緯度嘅天文觀測任務，亦喺中國大陸嘅現代天文科學嘅教學同研究起咗好緊要嘅作用同埋科學價值。1937年，由於國立中山大學搬到石牌一帶，舊址逐漸冇咗原有科研機構嘅功能同好快俾人唔記得佢。直到1949年廣州被解放軍佔領後，天文台從廣東省政府轉畀廣東省科普協會，中途又轉畀廣東省科協。1973年，廣東科技報社入咗嚟辦公，天文台舊址再次成為傳播科技嘅緊要場所。1978年7月18號，間嘢俾廣東省人民政府列為省級文物，亦喺1989年6月重複公佈咗次。

踏入2000年代後，由於間嘢年久失修，加上建築出現殘舊現象，社會各界一直要求佢作出修繕嘅事越嚟越多。後嚟廣東科技報社通過努力，喺2010年亞運開幕前，廣東省發改委同埋廣東省財政廳負責出錢籌劃，重喺2011年6月開始做修繕工作，工程凈維持咗4個月就搞掂。

連出去

• 广东贡院明远楼与中山大学天文台旧址 - 广州市文化广电新闻出版局
• 《行街串巷广州城》之喜见中山大学天文台旧址修缮完工 2011-10-14