廣東省立中山圖書館
廣東省立中山圖書館（粵拼：gwong2 dung1 saang2 laap6 zung1 saan1 tou4 syu1 gun5；英文：Sun Yat-sen Library of Guangdong Province）係中國廣東省廣州市嘅一間圖書館，有三間分館。呢間圖書館喺1912年成立。呢間圖書館重係廣東省級綜合性公共圖書館、中國國家一級圖書館，又係中國文化信息資源分享工程廣東省分中心、廣東省古籍保護中心、中國全國圖書館聯合編目中 心廣東省分中心嘅所在地。呢間嘢嘅歷史都幾耐吓，而且入面㔷埋咗好多海內外出名嘅書。
史
編輯呢間嘢喺成立之前係明朝嗰時嘅南園，後嚟變咗清朝嗰時嘅廣雅書局嘅圖書大樓，而抗風軒就係孫中山早年搞革命活動嘅秘密據點（而家係孫中山文獻館）。到咗民國元年（1912年）先至開辦咗間圖書館響呢度，嗰時最初嘅名係「廣東省立圖書館」。到咗民國九年（1919年），梁鼎芬後人按佢哋嘅遺願，將600幾櫃㔷埋咗嘅20000幾冊書冚唪唥捐咗畀廣東省圖書館，嗰時重係省圖收到嘅第一批私人捐嘅圖書，而數量差唔多嗰時省館㔷埋咗嘅書總量嘅兩倍。[1]
到咗民國十六年（1928年），嗰時住喺美國、加拿大、墨西哥、古巴等地嘅華僑為咗記得孫中山先至出錢起咗「廣州市中山圖書館」，甚至喺民國廿二年（1934年）嗰時起好。到咗中華人民共和國成立咗之後嘅6年（1955年），廣東省立圖書館同廣州市中山圖書館合併咗而改名做而家嘅廣東省立中山圖書館。到咗1986年，廣東省立中山圖書館搬咗嚟文明路215號嗰邊之後，原館先至改名做孫中山文獻館。嗰時鄧小平同志重幫呢間嘢寫咗個館名。
到咗2003年，廣東省政府出咗5億蚊嚟搞佢嘅改擴建工程，而工程正式喺2006年12月10號開始喐手，甚至喺2008年嗰時俾住房同城鄉建設部話咗係綠色建築同低能耗建築雙百示範工程。為咗搞好呢單嘢嘅建設進度，喺2007年6月——2010年9月，呢間嘢甚至喺廣州大學嘅桂花崗校區搞咗間桂花分館，重將借閱部、報刊部、外文部、採編部、公關部等緊要嘅業務部門從文明路總館搬到嗰邊繼續向公眾同讀者搞服務。而工程一直到2010年12月30號先至結束仲重新正式對外開放。
三間分館嘅詳細位置
編輯附近嘅交通
編輯- 電車：
- 文明路總館：中山圖書館站
- 桂花分館：桂花崗站
- 巴士：
- 文明路總館：中山圖書館站
- 文德分館：文德路站
- 桂花分館：桂花崗站
註
編輯- ↑ 广州的故事 林子雄。〈从藏书楼到图书馆〉。廣州圖書館。原著喺2014-05-02歸檔。喺2012-09-28搵到。