中曾根康弘

中曾根康弘

中曾根康弘（1918年5月27號—2019年11月29號）係日本政治人，屬於自由民主黨，係日本第71～73屆首相（任期1982年11月27號－1987年11月6號，前任鈴木善幸）。2019年11月尾喺東京都內嘅醫院過身，享壽101歲。係繼東久邇宮稔彥王後，第二位過百歲嘅原日本首相。

經歷

中曾根康弘喺群馬縣高崎市出世，喺東京帝國大學（而家東京大學）法學部畢業。第二次世界大戰嗰陣時喺大日本帝國海軍服役。1946年，中曾根康弘做日本眾議院議員。1982年做日本首相。

中曾根康弘嘅政治立場成日搖擺不定，所以畀當地傳媒叫「風見雞」（牆頭草嘅意思）。

中曾根康弘嘅民族主義傾向係比較出名嘅，1985年8月15號日本戰敗40周年嗰陣時佢就公開參拜靖國神社。

1986年，佢嘅內閣文部大臣藤尾正行公開話「我唔覺得東京審判係啱嘅」、「南京大屠殺同廣島市原子彈爆炸邊個規模大？所以一定要重新諗過東京審判嘅性質同意義」，受到國內外強烈抨擊，冇辦法唔辭職。1987年，竹下登繼中曾根康弘出任日本首相。