中華蘇維埃共和國

中華蘇維埃共和國中國共產黨1931年喺江西瑞金成立嘅一個國家。呢個國家統治當時畀中共控制嘅地區(中共叫佢「革命根據地」),最大嘅控制地區係中央蘇區,喺而家嘅江西、福建交界嘅地方。

中華蘇維埃共和國嘅國旗
畀中華蘇維埃共和國控制嘅地區

中華蘇維埃共和國從成立起手就畀中華民國國民政府圍剿,1934年畀國軍打敗,中共嘅工農紅軍開始長征,著草去咗陝西延安。1937年9月6號,根據中共同國民政府嘅協議,唔再用中華蘇維埃共和國呢個名。

有部分中國共產黨嘅反對者,會形容呢個政權係蘇聯嘅附庸,不時會引用毛澤東成立呢個政權嘅歷史,喺中共政府話異見者係漢奸嘅時候,提出反駁,批評指控中國共產黨先係漢奸嘅觀點[1][2]

參考

  1. 鄧炳強亂扣羅冠聰漢奸帽子 中共成立蘇維埃並且銀紙印列寧頭像 毛澤東比汪精衛更似漢奸 林鄭月娥、中共都屬Quisling 黃世澤幾分鐘評論 20211208 (英文), 喺2021-12-08搵到
  2. "【民報】漢奸打造的國度". www.peoplenews.tw (中文). 2018-02-28. 原著喺2021-12-08歸檔. 喺2021-12-08搵到.