福建係喺中國嘅東南沿海。
政治上，福建而家係由中華人民共和國嘅福建省同埋中華民國嘅福建省分治，前者差唔多佔有全個福建嘅大部分地方，以福州市為省會，而後者就管理金門、烏坵、馬祖等等嘅沿岸島嶼，省政府設喺金門縣嘅金城鎮。
南洋唔少華人祖先都係嚟自福建，尤其係閩南廈門、漳州、泉州等閩南一帶；而喺美國，近年就多咗好多閩東福州移民。喺香港，閩南人多數聚居北角，閩東福州人多數聚居荃灣、西環，平日大家所叫嘅「福建話」，其實都係指閩南話，而閩東福州人講嘅語言叫閩東話（福州話）。
