中韓關係

  呢篇文講中華人民共和國－大韓民國關係。想搵其他意思/時代嘅中國同其他意思/時代嘅韓國之間嘅關係嘅話，請睇中韓關係 (搞清楚)。

中韓關係或韓中關係（韓文：한중 관계／韓中 關係 ^{Hanjung gwan'gye */?}），係指中華人民共和國同朝鮮半島南半部地區嘅大韓民國之間嘅雙邊外交關係。兩國喺經濟上嘅交流喺1975年開始，而雙方喺1992年先正式建交始邦交正常化，之前大韓民國因堅定嘅反共立場，長期同持反共立場並擁護三民主義嘅中華民國政府保持官方關係。

由1992年8月24號，中韓兩國正式建交後，韓中關係係咁提高，雙方高層互訪頻繁，經貿、文化、人員往來發展得好快。1992年9月27號，時任韓國總統盧泰愚喺兩國建交1個月後，就率龐大訪華團出訪中國，去接見中共中央總書記江澤民、中國國家主席楊尚昆、中國國務院總理李鵬等領導人。雙方喺北京發表《中韓新聞公報》，並簽咗《中韓貿易協定》、《中韓投資保護協定》、《中韓關於設立經濟、貿易、技術聯合委員會協定》、《中韓科學技術協定》。1997年12月，金大中訪華嗰陣，兩國關係被提升做「面向21世紀的合作夥伴關係」。2003年，兩國關係提升做「面向21世紀的全面合作夥伴關係」。2008年5月，李明博訪華嗰陣，兩國關係被再次提升做「中韓戰略合作夥伴關係」，令雙邊關係走向成熟。

睇埋

• 中國抄襲韓國演藝作品爭議
• 限韓令

出面網頁

• 中國駐韓國大使館官方網站（簡體中文）（韓文）
• 中國駐釜山總領事館官方網站Wayback Machine嘅版面存檔備份（簡體中文）（韓文）
• 中國駐光州總領事館官方網站Wayback Machine嘅版面存檔備份（簡體中文）（韓文）
• 中國駐濟州總領事館官方網站（簡體中文）（韓文）

• 韓國駐華大使館官方網站（簡體中文）（韓文）
• 韓國駐香港總領事館官方網站Wayback Machine嘅版面存檔備份（英文）（韓文）