乙種射綫

乙種射綫（beta ray），又寫β射綫，係射綫一種，由核子放射出來，以高速橫行，達光速九成。佢本質係電子，係粒子一種，所以又叫乙種粒子（英文beta particle）或者β粒子。β係希臘字母第二，讀似卑他，拉丁拼寫beta。常見乙種射綫嘅電子，係負電子，但亦有指反電子，旣係正電子，視爲反乙種射綫。

由於電子帶負電，所以電荷爲負一。由於佢帶負電，喺射綫喺磁場之中，會偏轉一方。若係反電子，性質一樣，不過偏轉方向相反，亦會同正電碰撞，湮沒成光，卽放丙種射綫。

因乙種射綫帶電荷，會令物質電離。因爲咁，射綫會破壞細胞，以至破壞遺傳基因，引致突變。乙種射綫用鋁紙，或係平日講嘅錫紙一張就擋到。