九世敦睦祠

衞氏宗祠 敦睦堂
主祀	克信（九世祖） 永昌（十世祖） 新（十一世祖） 璿（十一世祖） 賝（十一世祖）
家族信息
家族	瀝滘衞氏
起源	河東郡
修建史
始建	1537年
重修	明朝萬曆
方位
地址	廣州市海珠區瀝滘村水基坊
家時無咗
損毀年代	1951年

九世敦睦祠，原名衞氏宗祠，堂號敦睦，喺廣州市海珠區瀝滘村水基坊，係番禺瀝滘衞氏九世祖嘅祠堂。明朝嘉靖十六年（1537年）起，歷時三十年落成，係瀝滘衞氏最早起嘅一間祠堂。1951年起耐火材料廠拆咗。

建築

三間五沓。佔地四畝。成間祠堂有七十四條石柱、二十六條木柱。

中路頭門門額寫「衞氏宗祠」，落款係「進士蒲凝重題」，門聯係「屏印拱南開地脈瀝溪廟貌常新 本支奕世毓人文淇澳家聲有赫」 落款係「知南海縣事武昌周文爲門人呂仲宗祠書」。左右有楹廊，由角道入儀門。

儀門係棟牌坊，上高寫「淇水流芳」，落款係「都御史吳章書」；兩便嘅聯係「庭前古木森森列 檻外晴江派派長」，落款係「七代孫懋材頓首書」。再入係拜亭，有兩樖柏樹。

第三沓享親堂左右有楹廊，由角道入係大堂。

第四沓大堂敦睦堂，上高寫「敦睦」，落款係「都御史吳章書」；兩便嘅聯係「勤儉貽謀裕後昆而繩繩永爾 詩書接武光令緒而世世引之」，落款係「七代孫呂仲頓首書」。有前偏兩間。由角道入係後寢。

後寢闊三間，上高寫「妥先靈」，落款係「八代孫從化訓導一棟頓首書」；兩便嘅聯係「室以內儼居處笑語如生如存 堂以外脩禴祀烝嘗不疏不數」。中間奉九世祖克信神主，右間奉十世祖永昌神主，左間奉十一世祖新、璿、賝神主。

攷

• 衞宗正、衞鎔。《衞氏族譜六卷》。