九曜石

九曜石（粵拼：gaau2 jiu6 sek6）係中國廣東廣州一處古石堆兼遺址，喺越秀區教育路嘅藥洲遺址入面。喺1963年3月被列入咗廣州市文物保護單位。

九曜石
廣州市文物保護單位
喺邊	越秀區教育路藥洲遺址入面
類	古遺址
時代	大清
冧	1-9
登錄	1963年3月
地圖

名

相傳喺五代十國時期，南漢主劉龑割據嶺南兼開鑿西湖時搞咗9嚿石而改成噉嘅名。

介紹

呢9嚿石分別係池西北大石、米題藥洲石、四言詩石、池西大石、釣磯石、拜石、仙掌石，及池東石。

池西北大石

又嗌「牛头石」或「海上洲石」，喺水池北岸西邊，高2m，樣似牛頭，四圍有10幾個竇相穿，入邊有9題石刻。其中北宋詩人——許彥先寫嘅呢句詩最出名：

「

花藥分氳海上洲，水中雲影帶沙流。直應路與銀潢接，槎客時來犯鬥牛。

」

米題藥洲石

又嗌「笏石」。喺水池北岸，高1.5m，樣似持笏。入邊有5題石刻。其中北宋書法家——米䒥寫嘅「藥洲」、「米黻元章題」俾歷代金石界話佢做正嘢。

池西大石

又嗌「愛蓮石」或「藥洲石」，喺水池西邊水面，高2.4m，樣似筍峯。入面有4題清刻，其中大清時期寫嘅「藥洲」兩字出自周敦頤寫嘅《愛蓮說》入面。

四言詩石

喺水池西邊嘅池西大石隔籬，高2.1m，屬白色中空石，入面有2題清刻都喺大清嘉慶年間，由廣東學政——萬承風寫嘅四言詩其一。

釣磯石

又嗌「珠泉石」，喺水池西南水面，高1.25m。入面有2題清刻，分別係「釣磯」同「珠泉」呢兩個，都由大清狀元負責寫出嚟。其中「釣磯」係由姚文田寫出嚟，「珠泉」係由徐琪寫出嚟。

拜石

又嗌「破石」或「九曜第一石」，喺水池東岸水面，高3.4m，樣似鰲魚，入面有15條石刻響度。其中包括咗大明作家——陳卿寫嘅「此即九曜第一石也」同埋大清作家劃嘅「拜石」兩字。

仙掌石

嚿石因為有一尺兩寸嘅掌跡而改成噉嘅名。喺水池東邊水面，高2.6m，入面有4題石刻，其中《九曜石》詩刻俾歷代金石界話成正嘢：

「

九曜石 碧海出蜃閣，青空起夏雲。瑰期𣦝夏石，錯落動乾文。

」

重有大明詩人——吳鵬喺石掌紋隔籬寫咗「仙掌」兩字。

池東石

喺水池東邊水面，高1.25m。原先係上下兩嚿石疊埋，其中上石似黑豬，下石似巨龜，後嚟經過長時間風化而一分為二。入面有4題石刻，其中九曜石最早嘅題刻喺北宋時期，由盧士宏寫出嚟。

睇埋

• 藥洲遺址

攷

• 羊城八景之一——广州九曜石 360doc个人图书馆
• 《九曜石刻录+·南汉金石志》