豬

豬（粵拼：zyu1）係種哺乳動物。豬嘅種類唔少，最常見嘅係養來俾人食嘅農場家畜；本文所介紹嘅，較為準確噉講，叫做家豬（粵拼：gaa1 zyu1）。家豬係由野豬馴化而來嘅若干品種。

How to read a taxobox 豬
大豬同豬仔
物種分類
界 動物界 門 脊索動物門 綱 哺乳綱 目 偶蹄目 科 豬科 屬 豬屬 Linnaeus，1758年
種
Sus barbatus Sus bucculentus† Sus cebifrons Sus celebensis Sus domestica Sus falconeri† Sus heureni Sus hysudricus† Sus philippensis Sus salvanius Sus scrofa Sus strozzi† Sus timoriensis Sus verrucosus

豬係雜食嘅，食動物又得，植物又得。不過一般農場都係餵佢啲人食剩嘅嘢撈埋一齊嘅餿水，即係豬餿。

好多文化將豬同蠢、懶等等負面嘅品性連埋，不過事實上豬係一種幾叻嘅動物，可以訓練去搵嘢同埋緝毒。

越南豬通常用嚟做寵物。

豬公為雄，豬乸為雌。豬仔為幼。

經濟價值

香港牛頭角道嘅豬肉檔，2015年

豬肉嘅美式劏法

唔同部位嘅豬肉，以及豬嘅內臟，好多都食得，譬如嶺南常見嘅食材豬膶、豬腰、浮皮、豬紅、豬大腸、豬耳。豬肉係世界上好多國家主要嘅肉食，尤其是中國，豬肉消費量著咗全世界超過一半。不過有啲宗教嘅教徒，譬如穆斯林同猶太人，教規規定佢哋唔可以食任何含有豬嘅嘢。

豬毛可以用來做刷。豬皮可以用來提煉明膠。

文化

豬係中國嘅12生肖之一，排第尾。

基督教基督復臨派、猶太教同伊斯蘭教禁止信徒食豬肉。

粵語有唔少有關豬嘅講法，話人蠢就「豬咁蠢」、「豬兜」；話人懶，「懶豬」；指人喇咋、污糟，「迾遢豬」；話人肥，「肥豬」。大部份都係衰嘅，亦未必有根據。

另外廣東話俚語會用「豬」來代表女仔嘅貞節，源自結婚回門會用到燒乳豬嘅習俗。

其他

• 野豬
• 乳豬
• 連登豬