九黎族中國上古時期嘅一個部落,族群人口分布於黃河流域一帶。佢哋係百越祖先蚩尤嘅後代,因此又稱「黎」。

簡介 編輯

蚩尤係九黎部落聯盟嘅阿頭,有八十一個手足兄弟都係九黎酋長[註 1]。佢哋信奉巫教,掌握文化嘅人叫做「巫」;事奉鬼神,而且有刑法,可以用銅造兵器。呢啲文化對於之後嘅華夏部族有好大影響。

黃帝同蚩尤響涿鹿之戰因九黎失敗結束。九黎經過長期鬥爭,一部分喺北方建立黎國,然之後輸咗畀周朝(西伯勘黎);一部分參加咗黃炎部落聯盟,即係「黎民」,成為華夏族;另一部分退去到南方江漢流域,建立三苗

後裔 編輯

根據春秋戰國時期嘅歷史古書紀錄顯示,三苗係出自九黎之後,係南方最原始嘅部落。佢哋係百越苗族同埋南方部分漢族嘅先民。

睇埋 編輯

編輯

  1. 《史記·五帝本紀·集解》孔安國曰:“九黎君號蚩尤。”《國語·楚語》:“九黎,蚩尤之徒也。”《書·呂刑釋文》、《吕氏春秋·蕩兵》、《戰國策》高誘註,都話蚩尤係九黎之君,所以稱之為“蚩尤九黎”或者係“九黎蚩尤”。