呢篇文講嘅唔係戰國 (日本)

戰國粵拼zin3 gwok3;有時喺後面加多個「時代」或者「時期」;前476年/前453年/前403年~前221年)係中國史上夾響春秋秦代嘅一段時期。呢段時期中國本土分成幾個國,各混戰不休。

戰國版圖
前260年時嘅戰國七雄勢力圖
前350年時嘅戰國形勢圖
大中華史
-2200 —
-2100 —
-2000 —
-1900 —
-1800 —
-1700 —
-1600 —
-1500 —
-1400 —
-1300 —
-1200 —
-1100 —
-1000 —
-900 —
-800 —
-700 —
-600 —
-500 —
-400 —
-300 —
-200 —
-100 —
0 —
100 —
200 —
300 —
400 —
500 —
600 —
700 —
800 —
900 —
1000 —
1100 —
1200 —
1300 —
1400 —
1500 —
1600 —
1700 —
1800 —
1900 —
2000 —

戰國係喺春秋結束嘅第二年開始,佢同春秋夾埋就係東周時期,喺朝代上屬周朝一部分(後來周朝滅亡後有段朝代真空)。關於佢嘅開始有三種講法:一係前476年開始,呢個係《史記》分法[1];一係前453年開始,呢年三家滅知,當時晉國嘅知伯畀另外三家士大夫圍剿,最後晉國事實上分裂;重有種係前403年,呢年三家分晉,即係晉國正式畀三家韓、趙、魏瓜分。

「戰國」呢個名取自於西漢劉向所編注嘅書《戰國策》。國家之中以最主要(呢七國又稱為戰國七雄),另外重有衞、魯、宋、越、巴、蜀、中山等其他小國。

前256年周赧王病死,秦國攻入洛邑,西周公投降,周朝滅亡。前249年,秦相呂不韋又帶兵滅咗響鞏邑(家下河南鞏縣)嘅東周公。

後尾秦王嬴政(秦始皇)用咗十年時間,滅咗六國(韓國-前230年亡、趙國-前228年亡、魏國-前225年亡、楚國-前223年亡、燕國-前222年亡、齊國-前221年亡),統一中國。

秦滅六國 編輯

滅韓 編輯

  • 前230年,秦王政派內史騰率軍突然南下過黃河,攻破韓國首都鄭(家下河南新鄭),韓王安投降,韓國滅亡。秦國響韓地起潁川郡,響陽翟(今河南禹州)起郡治。

滅趙 編輯

  • 前229年,秦滅韓之後第二年,秦軍趁趙國旱災,分兩路打趙都邯鄲。
  • 前228年,破趙軍,攻佔邯鄲,俘趙王,趙國滅亡。趙國公子嘉走到代(家下河北蔚縣東北),收拾好殘部自立做代王。
  • 前222年王翦個仔王賁率軍攻滅燕趙殘餘勢力,俘代王嘉。

滅魏 編輯

  • 前225年,秦國將領王賁率兵出關中,攻佔咗楚國北部嘅十幾座城,保障咗攻魏秦軍側翼安全後,北上突襲重包圍魏都大梁(家下河南開封),魏軍依託大梁嘅城防工事死守,秦軍強攻對佢哋冇用,就引黃河水灌入城入便。三個月後,大梁城被水浸壞,魏王假投降,魏國滅亡。秦響魏國地區起碭郡。

滅楚 編輯

  • 前226年,秦王派李信蒙恬帶20萬軍打楚,楚將項燕帶軍抵抗,秦軍攻下平興(家下河南汝南縣東南)、寢(家下河南沈丘縣東南)進兵到城你(家下河南寶豐縣東),項燕反擊,打贏秦軍,李信打輸走咗。
  • 前225年,秦王叫老將王翦帶60萬大軍再打楚,兩軍響陳相遇,王翦以逸待勞,按兵不動。
  • 前224年,楚軍多次挑戰,秦軍唔同佢打,項燕就帶兵東歸,秦軍趁楚國撤退嗰陣打佢,並喺蘄大敗楚軍,又強過淮水,去到楚都壽春(家下安徽壽縣)城下。
  • 前223年,秦軍乘勝追擊,攻佔楚都壽春,俘虜楚王,楚國滅亡。秦響楚地起九江郡。項燕敗走到長江南邊,立昌平君做楚王。滅咗楚國之後,王翦大軍繼續南下,造戰船過長江,消滅項燕餘部同埋昌平君。前222年攻陷楚國南部會稽。

滅燕 編輯

  • 前228年,秦軍滅趙之後,王翦屯軍中山故地,準備下一步打燕國。
  • 前227年,燕太子丹派荊軻去秦國,準備用獻督亢嘅地圖同秦國逃將樊於期嘅首級之名刺殺秦王,幻想造成秦國混亂,以化解滅亡嘅危機,結果陰謀敗露,荊軻被殺。
  • 前226年,秦王用荊軻單嘢借口,派王翦帶兵打燕國,秦軍響易水打敗燕軍同前來支援嘅代軍,攻陷薊,燕王喜同太子丹率殘部走到遼東。後燕王喜殺太子丹,將佢個頭獻畀秦。
  • 前222年,秦將王賁進軍遼東,殲滅燕軍,俘虜燕王,燕國滅亡。

滅齊 編輯

秦國重金收買咗齊丞相後勝,令齊國唔合縱抗秦,唔加強戰備。齊王建聽信咗後勝嘅主張。秦國滅五國後,齊王先知到秦國嘅威脅,慌忙將軍隊集結到西部邊境,準備抵禦秦軍嘅進攻。

  • 前221年,秦王以齊拒絕秦使者訪齊為由,叫王賁率領秦軍伐齊,秦軍避開咗齊軍西部主力,由原來嘅燕國南部南下直奔齊都臨淄(今山東淄博北)。齊軍面對秦軍突然由北面來攻,措手不及,土崩瓦解。齊王不戰而降,齊國滅亡。秦響齊地設置齊郡同琅邪郡。

編輯

  1. 呢年周敬王駕崩,之後周元王登基。有史家據《左傳·哀公十六年》,認爲周敬王係喺前475年駕崩嘅。