九龍區專線小巴88線係香港一條來往啟德（啟晴邨）同黃大仙嘅專線小巴線，用循環線方式運作[1]。
呢條線提供啟德發展區（啟晴邨同德朗邨）來往九龍城、黃大仙同新蒲崗嘅專線小巴服務，係2014年6月6號刊憲公開招標6組共8條專線小巴新路線其中一條，呢條線自成一組承投，最後由長利貿易有限公司（港島專線小巴26線營辦商）投得，來往啟德（啟晴邨）同黃大仙站，喺2015年2月1號起投入服務，主要方便啟德發展區（啟晴邨同德朗邨）一帶居民來往九龍城街市同黃大仙大成街街市買嘢，或者到港鐵黃大仙站轉乘港鐵往返各區。
