黃大仙區香港十八區之中嘅一個政區。東面以飛鵝山觀塘區為界,西面同埋南面沿聯合道東頭邨道,同九龍城區為界,係全港唯一唔係沿海嘅政區。面積有926公頃,2016年嘅人口有425,235人。

黃大仙區
黃大仙區地標–黃大仙祠牌樓

地理

黃大仙區位於九龍半島東北面,北面背靠獅子山大老山同埋慈雲山,東面係飛鵝山,包含黃大仙牛池灣鑽石山慈雲山樂富新蒲崗竹園邨等地方。

啟德明渠源自慈雲山,去到蒲崗村道成為明渠,沿彩虹道去到太子道東,經啟德下面嘅暗渠流入前啟德機場跑道同埋觀塘間水道。

黃大仙區以住宅為主,工業樓宇集中喺新蒲崗工業區。

黃大仙區個名嚟自區內嘅黃大仙祠

一啲香港基督徒同教會將黃大仙區叫做慈黃區,嚟自對慈雲山黃大仙兩個地方嘅合稱[1][2]。喺2007年,有一個叫「全城更新」嘅機構喺大球場舉行全球禱告日,有一則禱文提到想將「黃大仙區」嘅名,改為較中性嘅「慈黃區」。後來有啲網民發現,原來呢個名喺之前就已經有啲基督徒用[3],而基督教歌手高皓正亦曾經喺2012年喺社交媒體作出同樣嘅呼籲[3]。雖然唔少基督徒支持,但有啲人就質疑,呢個名實在無謂而且不倫不類。又話就算改名,不如用「黃大仙區」嘅原名「竹園區」[3]

參考

  1. "香港慈黃區 校園興起發光". 國度復興報 Kingdom Revival Times (中文). 原著喺2021-12-05歸檔. 喺2021-12-05搵到.
  2. "鑽浸與慈黃區舉行電影晚會 . 播放「隱形鬥室」福音電影". www.christianweekly.net. 喺2021-12-05搵到.
  3. 3.0 3.1 3.2 "高皓正成功爭取為黃大仙區正名為「慈黃區」 | 輔仁文誌". www.vjmedia.com.hk. 喺2021-12-05搵到.