二龍山花園
係中國廣東廣州嘅一間大型公園兼中國國家AAA級嘅旅遊區，2014年12月28號開業，喺增城小樓鎮鄧山村近廣河高速嘅二龍收費站西邊200m位。
二龍山花園正門
景區係增城區政府考慮扶貧，而出咗3.8億文打造鄉村遊項目之一。佔地面積10公頃。景區曾經喺2016年俾騰訊大粵網列做自駕遊天堂；2018年列入過中國國家級鄉村旅遊模範戶同AAA級景區。入面主要有原始嘅亞熱帶雨林生態，重有座玻璃橋、亞熱帶雨林科普園、浪漫田園花海、森林探險世界、小白龍瀑布等景區。尤其係侏羅紀熱帶雨林谷（恐龍谷）同浪漫田園花海，係皇牌主打景區地方。
公園入面主要種咗油桐、波斯菊、醉蝶花、黑欖、桫欏樹、水翁呢啲植物。
 玻璃天橋 | 玻璃天橋 |
 浪漫田園花海 | 浪漫田園花海 |
 鴨池同埋喊泉 | 鴨池同埋喊泉 |
 山泉玩水樂園（限夏天開放） | 山泉玩水樂園（限夏天開放） |
|
- 開放時間
- 每日09:00～17:30。
- 雖然17:30之後重可以喺山上逗留參觀，但太陽落山嗰時要全部清場。
- 凡係大雨或暴雨、雷暴、刮颱風、龍捲風等惡劣天氣時會睇天氣而決定暫停開放或部分開放。
- 掛咗暴雨警報信號或藍、黃、橙、紅色颱風警報信號其一，景區會暫停開放。
- 飛
- 成人票每位￥60，加玩玻璃橋同七彩滑道嘅加收￥50。通過微信支付（WeChat Pay）畀錢嘅，可以畀少￥2。
- 年紀＞69嘅老坑（要有個人有效身份證）／1m≤身高＜1.5m嘅細路：半票，但加玩玻璃橋同七彩滑道嘅加收￥40。通過微信支付（WeChat Pay）畀錢嘅，可以畀少￥2。
- 身高＜1m嘅細路：免費
- 入園觀光車同門飛唔互通。若果需要搭乘，除身高＜1m嘅細路之外，其它都要按去到邊個景區而定價錢係￥10定￥20。
- 景區內嘅自費遊玩項目同門飛唔互通，若果買咗門飛後需要玩自費項目，必須要另外畀錢。
